എറണാകുളം : കളമശ്ശേരി മെഡിക്കല് കൊളേജിന് സമീപത്ത് നിന്ന് തലയോട്ടി കണ്ടെത്തി. കാട് പിടിച്ച് കിടക്കുന്ന പറമ്പ് വൃത്തിയാക്കുന്നതിന്റെ ഇടയിലാണ് തലയോട്ടി കണ്ടെത്തിയത്. തൃക്കാക്കര അസിസ്റ്റന്റ് കമ്മീഷണര് പി വി ബേബിയുടെ നേതൃത്വത്തിലുള്ള പോലീസ് സംഘത്തെത്തി പരിശോധന നടത്തി.
തലയോട്ടിക്ക് ഒരു വര്ഷത്തോളം പഴക്കം വരുമെന്നാണ് പ്രാഥമിക പരിശോധനയിലെ പോലീസിന്റെ വിലയിരുത്തല്. സംഭവത്തില് പോലീസ് കേസെടുത്ത് അന്വേഷണം ആരംഭിച്ചു. സ്ഥലത്ത് നിന്ന് തലയോട്ടിക്ക് പുറമേ ദ്രവിച്ച മറ്റ് ശരീര ഭാഗങ്ങളും ലഭിച്ചിട്ടുണ്ട്. തലയോട്ടി വിശദ പരിശോധനകള്ക്കായി അയക്കുമെന്ന് പോലീസ് അധികൃതര് വ്യക്തമാക്കി.
Discussion about this post