ഇസ്ലാമാബാദ്: പാക് അധീന കശ്മീർ നിയമപരമായി പാകിസ്താന്റേത് അല്ലെന്ന് സമ്മതിച്ച് പാകിസ്താനിലെ ഗവണ്മെന്റ് അഭിഭാഷകൻ. ഇസ്ലാമാബാദ് ഹൈകോടതിയോടാണ് പാക് അധീന കശ്മീർ നമ്മുടേതല്ലെന്നും അവിടെ പാക് ഭരണഘടനാ അനുസരിച്ച് ഒന്നും ചെയ്യാൻ കഴിയില്ലെന്നും അഭിഭാഷകൻ വ്യക്തമാക്കിയത്.
രാജ്യത്തിൻ്റെ അധികാരപരിധിയിൽ വരാത്ത “വിദേശ പ്രദേശ” മായതിനാൽ പാക് അധീന കാശ്മീരിൽ പോലീസ് കസ്റ്റഡിയിലുള്ള കവി അഹമ്മദ് ഫർഹാദ് ഷായെ ഫെഡറൽ തലസ്ഥാനത്തെ കോടതിയിൽ ഹാജരാക്കാൻ കഴിയില്ലെന്ന് സർക്കാർ അഭിഭാഷകൻ ഇസ്ലാമാബാദ് ഹൈക്കോടതിയെ അറിയിച്ചു.
കശ്മീർ സ്വന്തം ഭരണഘടനയും കോടതികളുമുള്ള ഒരു വിദേശ പ്രദേശമാണെന്നും , അവിടെ പാകിസ്ഥാൻ കോടതികളുടെ വിധിന്യായങ്ങൾ വിദേശ കോടതികളുടെ വിധിന്യായങ്ങൾക്ക് സമാനമായി മാത്രമേ പരിഗണിക്കാൻ കഴിയുകയുള്ളൂ എന്നും അഡീഷണൽ അറ്റോർണി ജനറൽ മുനവർ ഇഖ്ബാൽ ദുഗ്ഗലും പ്രസ്താവിച്ചു
Discussion about this post