പാലക്കാട്: പാലക്കാട് കാര്‍ മതിലിൽ ഇടിച്ച് യാത്രക്കാരായ രണ്ടു സ്ത്രീകൾ മരണപെട്ടു. അതേസമയം ഒപ്പമുണ്ടായിരുന്ന മറ്റൊരാൾ ഗുരുതര പരിക്കുകളോടെ ചികിത്സയിലാണ്. പാലക്കാട് കൊപ്പത്താണ് അപകടം നടന്നത് . മലപ്പുറം ചങ്ങരംകുളം കൊക്കൂർ സ്വദേശി സജ്ന ( 43 ) ഭർത്താവിന്‍റെ മാതാവ് ആയിഷ (74) എന്നിവരാണ് മരിച്ചത്.
അപകടത്തിൽ ഗുരുതരമായ പരിക്കേറ്റ ഇവർ ചികിത്സയിലിരിക്കെ പെരിന്തൽമണ്ണ സ്വകാര്യ ആശുപത്രിയിൽ വെച്ചാണ് മരിച്ചത്. ഇന്നലെ ഉച്ചതിരിഞ്ഞാണ് അപകടമുണ്ടായത്. നിയന്ത്രണം വിട്ട കാര്‍ മതിലിലും തുടർന്ന് സമീപത്തെ മരത്തിലും ഇടിക്കുകയായിരുന്നു. അപകടം സംഭവിച്ച ഉടൻ നാട്ടുകാര്‍ ചേർന്ന് രക്ഷാപ്രവര്‍ത്തനം നടത്തി . പരിക്കേറ്റവരെ ഉടൻ തന്നെ ആശുപത്രിയിലെത്തിച്ചെങ്കിലും രണ്ടുപേരെയും രക്ഷിക്കാനായില്ല . അതേസമയം അപകടത്തിൽ പെട്ട കാർ പൂർണ്ണമായും തകർന്നു.
Discussion about this post