വായു മലിനീകരണം ലോകമാകെ പ്രശ്‌നം സൃഷ്ടിക്കുകയാണ്.ഡൽഹിയിലും സമീപ നഗരങ്ങളായ നോയിഡ, ഗുഡ്ഗാവ്, ഫരീദാബാദ്, ഗാസിയാബാദ് എന്നിവിടങ്ങളിലും വായു മലിനീകരണം വർദ്ധിച്ചുവരുകയാണ്. മാത്രമല്ല, ഇന്ത്യയിലെ പല നഗരങ്ങളും സമാനമായ സ്ഥിതിയിലേക്ക് എത്തുന്നുണ്ടെന്നാണ് ആരോഗ്യവിദഗ്ധർ മുന്നറിയിപ്പ് നൽകുന്നത്. അന്തരീക്ഷ മലിനീകരണം ഏറ്റവും ബാധിക്കുന്ന അവയവങ്ങളിലൊന്നാണ് കണ്ണുകൾ. നേരിട്ട് പൊടിപടലങ്ങൾ കണ്ണുകളിലേക്ക് അടിക്കുന്നത് വഴി വലിയ ആരോഗ്യപ്രശ്നങ്ങളാണ് നമ്മുടെ നേത്രങ്ങളെ കാത്തിരിക്കുന്നത്.
പതിവായ വായുമലിനീകരണം കാഴ്ച ശക്തിക്ക് വെല്ലുവിളി സൃഷ്ടിക്കുന്നതായി ഹൈദരാബാദിലെ മാക്സിവിഷൻ ഐ ഹോസ്പിറ്റലിലെ സീനിയർ റിഫ്രാക്റ്റീവ് സർജൻ ഡോ. മരംഗന്തി വംശിധർ പറയുന്നു.
വായു മലിനീകരണം കണ്ണുകളെ എങ്ങനെ ബാധിക്കുന്നു ?
1.മലിനമായ വായു കണ്ണുകളുടെ പ്രതലവുമായി സമ്പർക്കം ഉണ്ടാകുമ്പോൾ കണ്ണിൽ ചുവപ്പ് ,ചൊറിച്ചൽ എന്നിവയ്ക്ക് കാരണമാവുന്നു.അതുമൂലം കണ്ണുകൾക്ക് വരൾച്ച അനുഭവപ്പെടുന്നു.
2.ബാക്ടീരിയ ,ഫംഗസ് എന്നിവ വായു മലിനീകരണത്തിലൂടെ കണ്ണുകൾക്ക് അലർജിയുണ്ടാക്കുന്നു.അത് അലർജി, കൺപോളകൾ വീർക്കൽ തുടങ്ങിയ രോഗങ്ങൾ ഉണ്ടാക്കുന്നു.
മലിനീകരണത്തിലൂടെ ഉണ്ടാകുന്ന രോഗങ്ങൾ
കൺജെങ്റ്റിവൈറ്റിസ് – ബാക്ടീരിയ,ഫംഗസ് എന്നി അണുബാധകൾ ഉണ്ടാക്കുന്ന സാധാരണ കണ്ണ് രോഗമാണ് ചെങ്കണ്ണ് അഥവാ കൺജെങ്റ്റിവൈറ്റിസ് എന്നാൽ ഇതിലൂടെ കണ്ണിന്റെ പ്രതിരോധശക്തി കുറയ്ക്കുകയും നിരവധി രോഗങ്ങൾ സൃഷ്ടിക്കുകയും ചെയ്യുന്നു.
ഡ്രൈ ഐ സിൻഡ്രോം- വായു മലിനീകരണത്തിൽ ദീർഘനേരം സമ്പർക്കം ഉണ്ടാവുമ്പോൾ ഡ്രൈ ഐ സിൻഡ്രോമിലേക്ക് നയിച്ചേക്കാം. കണ്ണുനീർ വറ്റിപോവുകയും, കാഴ്ച മങ്ങൽ എന്നിവ സൃഷ്ടിക്കുന്നു.
തിമിരം – വായു മലിനീകരണം മൂലം കണ്ണിന്റെ ലെൻസ് അതാര്യമാകുകയും ക്രമേണ കാഴ്ച മങ്ങുകയും ചെയ്യുന്നു.
എങ്ങനെ ഇതിനെതിരെ പ്രതിരോധിക്കാം ?
1. കൃത്രിമ കണ്ണുനീർ ഉപയോഗിക്കുക: ഡോക്ടറുടെ നിർദ്ദേശപ്രകാരമുളള ഐഡ്രോപ്പുകൾ കണ്ണുകളിലേക്ക് ഇടവിട്ട് ഒഴിക്കുന്നതിലൂടെ മലിനീകരണം മൂലമുണ്ടാകുന്ന വരൾച്ചയും അസ്വസ്ഥതയും ഇല്ലാതാക്കാൻ സഹായിക്കും. ആവശ്യാനുസരണം പ്രിസർവേറ്റീവുകളില്ലാത്ത കൃത്രിമ കണ്ണുനീർ ഉപയോഗിക്കുക.
2. സൺഗ്ലാസുകൾ ധരിക്കുക: മലിനീകരണത്തിൽ നിന്നും അലർജികളിൽ നിന്നും കണ്ണുകളെ സംരക്ഷിക്കാൻ സൺഗ്ലാസുകൾ ധരിക്കുക.
3. ജലാംശം നിലനിർത്തുക: കണ്ണുകൾ വരണ്ടുപോകാതിരിക്കാൻ ആവശ്യത്തിന് വെള്ളം കുടിക്കുക.
4. നിങ്ങളുടെ കണ്ണുകൾ തിരുമ്മുന്നത് ഒഴിവാക്കുക: കണ്ണ് തിരുമ്മുന്നത് മൂലം കണ്ണുകളിലേക്ക് രോഗാണുക്കൾ എത്തുന്നു . കണ്ണുകൾക്ക് അസ്വസ്ഥതയുണ്ടെങ്കിൽ, അവ കഴുകാൻ വൃത്തിയുള്ള കൈകളോ അണുവിമുക്തമായ ഐ വാഷോ ഉപയോഗിക്കുക.
5. പതിവ് നേത്ര പരിശോധനകൾ: തുടർച്ചയായി കണ്ണിന് അസ്വസ്ഥതയോ കാഴ്ച വ്യതിയാനമോ അനുഭവപ്പെടുകയാണെങ്കിൽ നേത്രരോഗ വിദഗ്ദ്ധനെ സന്ദർശിക്കുക
