കാലിഫോര്ണിയ: സുരക്ഷ എന്ന് പറഞ്ഞാല് ഫോണുകളില് അത് ഐ ഫോണിനാണെന്ന് ചിന്തിച്ചിരുന്ന ഒരു കാലമുണ്ടായിരുന്നു. എന്നാല് ഇപ്പോള് ആപ്പിളിന്റെ ഐഫോണ് വലിയൊരു പിഴവിനെ അഭിമുഖീകരിക്കുന്നു. ഐഫോണുകള്ക്ക് പുറമെ ഐപാഡുകളും ക്രാഷ് ആവുന്ന തരത്തിലുള്ള ബഗാണിത്. വെറും നാലേനാല് ക്യാരക്ടറുകള് ടൈപ്പ് ചെയ്താല് സ്ക്രീന് ബ്ലാക്ക്ഔട്ടായി മാറും.
അതായത് ആപ്പിളിന്റെ ഐഫോണുകളിലും ഐപാഡുകളിലും ””:: എന്നിങ്ങനെ നാല് ക്യാരക്ടറുകള് ടൈപ്പ് ചെയ്താല് ഡിവൈസിലെ യൂസര് ഇന്റര്ഫേസ് ക്രാഷാകും എന്നാണ് ഒരു സൈബര് സുരക്ഷാവിദഗ്ധന് കണ്ടെത്തിയിരിക്കുന്നത് എന്ന് ടെക്ക്രഞ്ച് റിപ്പോര്ട്ട് ചെയ്യുന്നു. സെര്ച്ച് ബാറുകളില് ””:: എന്ന് ടൈപ്പ് ചെയ്യുമ്പോഴാണ് സ്പ്രിങ്ബോര്ഡ് ക്രാഷാവുന്നത് എന്നാണ് കണ്ടെത്തല്.
ബഗ് വരുന്നതോടെ ഒരു നിമിഷം സ്ക്രീന് ബ്ലാക്ക്ഔട്ടാകും. അതേസമയം ഇതൊരു ബഗ് മാത്രമാണെന്നും സുരക്ഷാ പ്രശ്നമല്ല എന്നും സൈബര് സുരക്ഷാ വിദഗ്ധര് വിലയിരുത്തുന്നു. ഇതൊരു സുരക്ഷാ ബഗ് അല്ല എന്ന് ഐഒഎസ് സുരക്ഷാ ഗവേഷകനായ റയാന് സ്റ്റോര്ട്ട്സ് വ്യക്തമാക്കി. ഇതേ കാര്യം മറ്റൊരു ഐഒഎസ് റിസര്ച്ചറായ പാട്രിക് വാര്ഡിള് ശരിവെക്കുന്നു.
എന്നാല് ഇതുവരെ ഈ ബഗിനെ കുറിച്ച് ആപ്പിള് പ്രതികരിച്ചിട്ടില്ല. സാധാരണയായി ആപ്പിള് കമ്പനി ഓരോ പുതിയ അപ്ഡേറ്റുകളിലൂടെയും ബഗുകള് പരിഹരിക്കാറാണ് പതിവ്. അതിനാല് വരും അപ്ഡേറ്റില് മാറുമെന്ന് പ്രതീക്ഷിക്കുകയാണ് ഉപയോക്താക്കള് ഐഫോണ് 16, ഐഫോണ് 16 പ്ലസ്, ഐഫോണ് 16 പ്രോ, ഐഫോണ് 16 പ്രോ മാക്സ് എന്നിവയാണ് ആപ്പിളിന്റെ വരാനിരിക്കുന്ന സ്മാര്ട്ട്ഫോണ് മോഡലുകള്.
Discussion about this post