കോഴിക്കോട്: നിരാഹാര സമരവുമായി മുന്നോട്ട് പോകുമെന്ന് ജിഷ്ണു പ്രണോയിയുടെ സഹോദരി അവിഷ്ണ. ചേട്ടന് നീതി കിട്ടാന് വേണ്ടി മരിക്കാനും തയ്യാറാണ്. ആരോഗ്യ പ്രശ്നങ്ങള് ഉള്ളതായി തോന്നിയിട്ടില്ല. പ്രതികളെ പിടികൂടുന്നതുവരെ സമരം തുടരുമെന്നും അവിഷ്ണ അറിയിച്ചു.
അമ്മ മഹിജയ്ക്കും കുടുംബാംഗങ്ങള്ക്കുമെതിരായ പൊലീസ് അതിക്രമത്തില് പ്രതിഷേധിച്ചാണ് അവിഷ്ണയും 10 ബന്ധുക്കളും നാട്ടുകാരും കോഴിക്കോട് വളയത്തെ വീട്ടില് വെള്ളിയാഴ്ച രാവിലെ നിരാഹാരസമരം ആരംഭിച്ചത്. ഉച്ചയോടെ മുപ്പതോളം പേര് സമരത്തില് പങ്കുചേരുകയായിരുന്നു.
വൈകീട്ടോടെ ആരോഗ്യനില മോശമായതിനെ തുടര്ന്ന് അവിഷ്ണയെ ആശുപത്രിയിലേയ്ക്ക് മാറ്റണമെന്ന് മെഡിക്കല്സംഘം ആവശ്യപ്പെട്ടെങ്കിലും ബന്ധുക്കളും നാട്ടുകാരും സമ്മതിച്ചില്ല. തുടര്ന്ന് വീട്ടില് ഡ്രിപ്പ് നല്കി. ശനിയാഴ്ചയും സമരം തുടരാനാണ് അവിഷ്ണയുടെയും ബന്ധുക്കളുടെയും നാട്ടുകാരുടെയും തീരുമാനം. ജിഷ്ണുവിന്റെ അമ്മ മഹിജയും അച്ഛന് അശോകനും ബന്ധുക്കളും തിരുവനന്തപുരത്ത് നിരാഹാരസമരം തുടരുകയാണ്. ഇവര്ക്ക് ഐക്യദാര്ഢ്യം പ്രഖ്യാപിച്ചാണ് വീട്ടില് അവിഷ്ണയും ബന്ധുക്കളും നാട്ടുകാരും സമരം നടത്തുന്നത്.
Discussion about this post