തിരുവനന്തപുരം: സ്ത്രീ വിരുദ്ധപരാമര്‍ശത്തില്‍ മന്ത്രി എം എം മണി നിയമസഭയില്‍ വിശദീകരണം നല്‍കി. തൂക്കി കൊല്ലാന്‍ വിധിക്കുമ്പോള്‍ പോലും പറയാനുള്ളത് കേള്‍ക്കാറുണ്ട്.
മാധ്യമങ്ങള്‍ വളച്ചൊടിച്ചതാണെന്നാണ് മണിയുടെ ആരോപണം. തന്റെ 17 മിനിറ്റുള്ള പ്രസംഗം എഡിറ്റ് ചെയ്ത് എട്ട് മിനിറ്റായാണ് ഉപയോഗിച്ചത്. ചില മാധ്യമപ്രവര്‍ത്തകര്‍ക്ക് തന്നോട് വിരോധമുണ്ട്. താന്‍ പറഞ്ഞത് എഡിറ്റ് ചെയ്ത് ഉപയോഗിച്ചു. പൊമ്പിളൈ ഒരുമൈ പ്രവര്‍ത്തകരെ ആക്ഷേപിച്ചിട്ടില്ല. പൊമ്പിളൈ ഒരുമൈ പ്രവര്‍ത്തകരെല്ലാം സമരത്തിനില്ല. സ്ത്രീകളോട് എന്നും ആദരവോട് കൂടിയേ പെരുമാറിയിട്ടുള്ളു.
വിവാദ പ്രസംഗത്തില്‍ സ്ത്രീയെന്ന വാക്ക് താന്‍ ഉപയോഗിച്ചിട്ടില്ല. പറഞ്ഞത് എഡിറ്റ് ചെയ്ത് തനിക്കെതിരെ ഉപയോഗിച്ചു. നാലാള്‍ സമരമാണിപ്പോള്‍ നടക്കുന്നത്. തന്നേയും പാര്‍ട്ടിയേയും താറടിക്കാന്‍ ശ്രമം നടക്കുന്നുവെന്നും മണിയുടെ നിയമസഭയില്‍ പറഞ്ഞു.
Discussion about this post