ആലപ്പുഴ: കായല്‍ കയ്യേറ്റ ആരോപണം നേരിടുന്ന മന്ത്രി തോമസ് ചാണ്ടിക്കെതിരെ നിയമനടപടി വേണമെന്ന് മുഖ്യമന്ത്രി പിണറായി വിജയനോട് റവന്യൂവകുപ്പ് മന്ത്രി ഇ. ചന്ദ്രശേഖരന്‍. മുഖ്യമന്ത്രിയുമായി നടത്തിയ കൂടിക്കാഴ്ചയിലാണ് തോമസ് ചാണ്ടിക്കെതിരെ റവന്യൂമന്ത്രി നിയമനടപടി ആവശ്യപ്പെട്ടത്.
നെല്‍വയല്‍ നീര്‍ത്തട സംരക്ഷണ നിയമ ലംഘനം നടത്തിയതിന് ഗതാഗത മന്ത്രി തോമസ് ചാണ്ടിക്ക് കളക്ടര്‍ നോട്ടീസ് നല്‍കിയിരുന്നു. ഭൂ സംരക്ഷണ നിയമത്തിന്റെ ലംഘനമാണിതെന്ന് റിപ്പോര്‍ട്ടില്‍ പറയുന്നു. തോമസ് ചാണ്ടി ക്രിമിനല്‍ കുറ്റമാണ് ചെയ്തിരിക്കുന്നതെന്ന് റിപ്പോര്‍ട്ടിലുണ്ട്. കളക്ടറുടെ റിപ്പോര്‍ട്ടില്‍ വിശദമായ നിയമോപദേശം തേടാന്‍ സര്‍ക്കാര്‍ തീരുമാനിച്ചു. ജില്ലാകളക്ടര്‍ ടി.വി.അനുപമ സമര്‍പ്പിച്ച റിപ്പോര്‍ട്ടില്‍ മന്ത്രിക്കെതിരെ ഗുരുതരമായ പരാമര്‍ശങ്ങളാണുള്ളത്.
റിപ്പോര്‍ട്ട് റവന്യൂ മന്ത്രി ഇ.ചന്ദ്രശേഖരന്‍ മുഖ്യമന്ത്രി പിണറായി വിജയന് കൈമാറി. ഭൂമി കൈയേറ്റം നടത്തിയെന്നാണ് കളക്ടറുടെ റിപ്പോര്‍ട്ട്. ഇത് ഭൂസംരക്ഷണനിയമത്തിന്റെ ലംഘനവും ക്രിമിനല്‍കുറ്റവുമാണെന്നും മന്ത്രി മുഖ്യമന്ത്രിയെ ധരിപ്പിച്ചു. കളക്ടറുടെ റിപ്പോര്‍ട്ടിന്മേല്‍ റവന്യൂമന്ത്രി സ്വന്തം നിലയ്ക്ക് തീരുമാമെടുക്കേണ്ടതില്ലെന്ന് സിപിഐ തീരുമാനിച്ചിരുന്നു. ഇതിന്റെ അടിസ്ഥാനത്തിലാണ് അദ്ദേഹം മുഖ്യമന്ത്രിയുമായി വിഷയം ചര്‍ച്ച ചെയ്തത്.
തണ്ണീര്‍ത്തട നിയമം ലംഘിച്ചതിനാല്‍ കമ്പനിയില്‍ പങ്കാളിയായ മന്ത്രിയും ഉത്തരവാദിയാണെന്ന് റവന്യൂ വകുപ്പ് വ്യക്തമാക്കുന്നു. വീഴ്ച വരുത്തിയ ഉദ്യോഗസ്ഥര്‍ക്കെതിരെ നടപടി വേണം. വാട്ടര്‍ വേള്‍ഡ് കമ്പനിക്ക് നോട്ടീസ് അയക്കണമെന്നും റവന്യൂ വകുപ്പ് നിര്‍ദേശിക്കുന്നു.
Discussion about this post