കൊച്ചി: തോമസ് ചാണ്ടി വിഷയത്തില്‍ എന്‍സിപിയിലും ഭിന്നത. ചാണ്ടി രാജിവെയ്ക്കണമെന്ന് ഒരുവിഭാഗം നേതാക്കള്‍ ആവശ്യപ്പെട്ടു. പാര്‍ട്ടി എക്‌സിക്യൂട്ടീവ് യോഗത്തിന് മുന്നോടിയായി നടന്ന ഭാരവാഹി യോഗത്തിലാണ് ഒരുവിഭാഗം നേതാക്കള്‍ രാജിആവശ്യം ഉന്നയിച്ചത്. യോഗത്തില്‍ മന്ത്രി രാജിവെയ്ക്കണമെന്ന് ഭൂരിഭാഗം നേതാക്കളും ആവശ്യപ്പെട്ടുവെന്നാണ് വിവരം. മുന്നണി മര്യാദ പാലിക്കണമെന്നും യോഗത്തില്‍ അഭിപ്രായമുയര്‍ന്നു.
ഉച്ചയ്ക്ക് രണ്ടുമണിക്ക് എക്‌സക്യൂട്ടീവ് യോഗം നടക്കാനിരിക്കെയാണ് വിഷയത്തില്‍ പാര്‍ട്ടിക്കുള്ളില്‍ തന്നെ എതിരഭിപ്രായം ഉയര്‍ന്നിരിക്കുന്നത്. മന്ത്രിസ്ഥാനത്ത് കടിച്ചു തൂങ്ങുന്നത് പാര്‍ട്ടിയുടെ പ്രതിഛായയെ ബാധിക്കുമെന്നും നേതാക്കള്‍ അഭിപ്രായപ്പെട്ടു. ചാണ്ടി രാജിവെയ്ക്കണമെന്ന് നേതാക്കള്‍ എക്‌സിക്യൂട്ടീവ് യോഗത്തിലും ആവശ്യപ്പെടുമെന്നാണ് റിപ്പോര്‍ട്ട്‌.
Discussion about this post