സേലം: സേലത്തെ ഹോമിയോ കോളേജില് തുടര്പഠനത്തിന് എത്തിയ അഖിലയെ അച്ഛന് അശോകന് കാണുന്നതില് തടസമില്ലെന്ന് സേലം ഡിസിപി സുബ്ബലക്ഷ്മി. ആവശ്യമെങ്കില് അഖിലയ്ക്ക് മുഴുവന് സമയവും സുരക്ഷയൊരുക്കുമെന്ന് ഡിസിപി പറഞ്ഞു. ഇക്കാര്യത്തില് കോളജ് അധികൃതരും അഖിലയും ആവശ്യപ്പെടുന്നതനുസരിച്ചു തീരുമാനമെടുക്കുമെന്നും, ഭര്ത്താവ് ഷെഫിന് ജഹാനു സന്ദര്ശനം ഇപ്പോള് അനുവദിക്കില്ലെന്നും അവര് വ്യക്തമാക്കി.
നേരത്തെ, ഷെഫിന് ജഹാന് അഖിലയെ കാണാന് ശ്രമിച്ചാല് അതു തടയുമെന്ന് അഖിലയുടെ പിതാവ് അശോകന് പറഞ്ഞിരുന്നു.
അതിനായി നിയമനടപടി ആലോചിക്കുന്നുണ്ടെന്നും, ഷെഫിന്റെ തീവ്രവാദബന്ധത്തെക്കുറിച്ച് സ്ഥിരീകരിക്കേണ്ടത് കോടതിയാണെന്നും, അഖിലയെ കാണാന് സേലത്തു പോകുന്ന തീയതി തീരുമാനിച്ചിട്ടില്ലെന്നും അശോകന് പറഞ്ഞു.
അതേസമയം അഖില വിഷയം മുതലെടുക്കാന് മതസംഘടനകള് സേലത്ത് പ്രതിഷേധ പ്രകടനം നടത്തി.
Discussion about this post