ഡല്ഹി: തന്റെ പ്രക്ഷോഭങ്ങളിലൂടെ ഇനിയൊരു കെജ്രിവാള് കൂടി ആവിര്ഭവിക്കില്ലെന്ന് പ്രതീക്ഷിക്കുന്നതായി അണ്ണ ഹസാരെ. മാര്ച്ച് 23ന് രാജ്യതലസ്ഥാനത്ത് പടുകൂറ്റന് റാലി സംഘടിപ്പിക്കുമെന്നും അതില് കര്ഷകര് പങ്കാളികളാകണമെന്നും ഹസാരെ ആവസ്യപ്പെട്ടു. ആഗ്രയിലെ ഷാഹിദ് സ്മാരകില് സംഘടിപ്പിച്ച പൊതു പരിപാടിയില് സംസാരിക്കുകയായിരുന്നു ഹസാരെ.
ഡല്ഹി മുഖ്യമന്ത്രിയായ അരവിന്ദ് കെജ്രിവാള് 2011-ല് അണ്ണ ഹസാരെ നയിച്ച അഴിമതി വിരുദ്ധ മുന്നേറ്റത്തിന്റെ മുന്നിര പ്രവര്ത്തകരില് ഒരാളായിരുന്നു. പിന്നീട് ഹസാരെയുമായുള്ള അഭിപ്രായവ്യത്യാസത്തെ തുടര്ന്ന് പ്രസ്ഥാനത്തില് നിന്ന് പുറത്തു പോവുകയായിരുന്നു. ഇതിന്റെ പശ്ചാത്തലത്തിലാണ് ഹസാരെ ഇത്തരമൊരു പരാമര്ശം നടത്തിയത്.
Discussion about this post