ബെംഗളുരു: നികുതി വെട്ടിപ്പുമായി ബന്ധപ്പെട്ട കാര്യങ്ങള് അന്വേഷിക്കുന്നതിനായി രാജ്യത്തെ പ്രമുഖ ബിറ്റ്കോയിന് എക്സ്ചേഞ്ചുകളില് പരിശോധന നടത്തി ആദായ നികുതിവകുപ്പ്. ഡല്ഹി, ബെംഗളുരു, ഹൈദരാബാദ്, കൊച്ചി, ഗുരുഗ്രാം തുടങ്ങിയ നഗരങ്ങളില് പ്രവര്ത്തിക്കുന്ന എക്സ്ചേഞ്ചുകളിലാണ് ബെംഗളുരു ഓഫീസിലെ അന്വേഷണ സംഘത്തിന്റെ നേതൃത്വത്തില് പരിശോധന നടത്തിയത്.
നിക്ഷേപകരുടെയും ഇടപാടുകാരുടെയും വിവരങ്ങള്, ഇവര് നടത്തിയ ഇടപാടുകള്, ഉപയോഗിച്ച ബാങ്ക് അക്കൗണ്ടുകള് തുടങ്ങിയവ സംഘം ശേഖരിച്ചു.
ഇത്തരം എക്സ്ചേഞ്ചുകളുടെ പ്രവര്ത്തനം, വിവിധ രേഖകള് തുടങ്ങിയവ പരിശോധിക്കുകയും ചെയ്തു. ഇതാദ്യമായാണ് ഈ സ്ഥാപനങ്ങളില്നിന്ന് വിവരങ്ങള് ശേഖരിക്കുന്നത്.
ബിറ്റ്കോയിന് ഇടപാട് ഇതുവരെ റിസര്വ് ബാങ്ക് അംഗീകരിച്ചിട്ടില്ല. ആഗോള വ്യാപകമായി ശ്രദ്ധാകേന്ദ്രമായതോടെ വിവിധ രാജ്യങ്ങളുടെ കേന്ദ്ര ബാങ്കുകള് കരുതലോടെയാണ് ഇടപാടുകള് നിരീക്ഷിക്കുന്നത്.
Discussion about this post