ജറുസലേം ഇസ്രയേല്‍ തലസ്ഥാനം, അമേരിക്കയെ എതിര്‍ത്ത് വോട്ട് ചെയ്ത കേന്ദ്രത്തിന് നന്ദി പറഞ്ഞ മുസ്ലിം എംപിയോടുള്ള സുഷമ സ്വരാജിന്റെ മറുപടി വൈറലാകുന്നു

ഡല്‍ഹി: ജറുസലേമിനെ ഇസ്രയേലിന്റെ തലസ്ഥാനമായി അംഗീകരിക്കാനുള്ള അമേരിക്കയുടെ തീരുമാനത്തെ ഐക്യാരാഷ്ട്ര പൊതുസഭയില്‍ എതിര്‍ത്ത് സംസാരിച്ച കേന്ദ്രത്തെ പ്രശംസിച്ച ഓള്‍ ഇന്ത്യ യുണൈററഡ് ഡമോക്രാറ്റിക് ഫ്രണ്ടിന്റെ നേതാവ് എം.ബദറുദ്ദീന്‍ അജ്മലിന്റെ കേന്ദ്ര വിദേശകാര്യമന്ത്രി സുഷമ സ്വരാജ് നല്‍കിയ മറുപടി വൈറലാകുന്നു. ട്വിറ്ററിലാണ് ലോക്‌സഭാ എംപിയായ അജ്മല്‍ തന്റെ അഭിനന്ദന സന്ദേശമയച്ചത്.

സുഷമ സ്വരാജിന്റെ മറുപടി ട്വീറ്റ് ഇങ്ങനെ: ‘നന്ദി അജ്മല്‍. ഇനി നിങ്ങള്‍ ഞങ്ങള്‍ക്ക് വോട്ട് ചെയ്യൂ’. സുഷമയുടെ ട്വീറ്റിന് സോഷ്യല്‍ മീഡിയയില്‍ റീട്വീറ്റുകളുടെ പെരുമഴയാണ്.

ജറുസലേമിന്റെ പദവി മാറ്റരുതെന്ന യുഎന്‍ സുരക്ഷാസമിതിയുടെ തീരുമാനം അംഗീകരിക്കണമെന്ന പ്രമേയം യുഎസ് അംഗീകരിക്കണമെന്ന പ്രമേയമാണ് മൂന്നില്‍ രണ്ട് ഭൂരിപക്ഷത്തോടെ യുഎന്‍ പൊതുസഭ കഴിഞ്ഞ ദിവസം അംഗീകരിച്ചത്.

Thank you Ajmal Sahib. Now you vote for us. https://t.co/OsQPv4PNDe

— Sushma Swaraj (@SushmaSwaraj) December 22, 2017

Thanks Government of India for voting in the UN against US decision of Jerusalem as Israel's capital.@SushmaSwaraj

— Maulana Badruddin Ajmal (@BadruddinAjmal) December 22, 2017