മുത്തലാഖ് വിരുദ്ധ ബില്‍ പാര്‍ലമെന്റില്‍ അവതരിപ്പിച്ചു. നിയമമന്ത്രി രവിശങ്കര്‍ പ്രസാദാണ് ബില്ല് അവതരിപ്പിച്ചത്. സുപ്രിം കോടതി നിര്‍ദ്ദേശ പ്രകാരമാണ് ബില്‍ അവതരിപ്പിക്കുന്നത്. ഏതെങ്കിലും തരത്തില്‍ മതസ്വാതന്ത്ര്യത്തെ ഹനിക്കുകയല്ല, സ്ത്രീകളുടെ സ്വാതന്ത്ര്യവും അഭിമാനവും ഉറപ്പുവരുത്തുകയാണ് ഉദ്ദേശംയ ചരിത്രദിവസമാണ് ഇന്നെന്നും രവിശങ്കര്‍ പ്രസാദ് പറഞ്ഞു. ബില്ലിലെ വ്യവസ്ഥകള്‍ക്കെതിരെ മുസ്ലിലീഗ് ഉള്‍പ്പടെയുളഌപ്രതിപക്ഷ കക്ഷികള്‍ രംഗത്തെത്തി.ബില്ല് അവതരിപ്പിക്കുന്നതിന് എതിരെയുള്ള ബില്‍ ശബ്ദവോട്ടോടെ സഭ തള്ളി.
മൗലികാവകാശലംഘനമാണെന്നും ബില്‍ രാഷ്ട്രീയ പ്രേരിതമാണ് എന്നും മുസ്ലിം ലീഗ് ആരോപിച്ചു. മതസ്വാതന്ത്ര്യത്തിന്മേല്‍ ഉള്ള കടന്നു കയറ്റമാണ് ഇതെന്ന് ഇ.ടി മുഹമ്മദ് ബഷീര്‍ ആരോപിച്ചു. അസദുദ്ദീന്‍ ഒവൈസിയും ബില്ലിനെതിരെ രംഗത്തെത്തി.
ബില്ലിലെ ചില വ്യവസ്ഥകള്‍ ശരിയല്ലെന്ന് കോണ്‍ഗ്രസ് നേതാവ് മല്ലികാര്‍ജ്ജുന ഗാര്‍ഗെ സഭയില്‍ പറഞ്ഞു. മൂന്ന് വര്‍ഷത്തെ തടവ് ശിക്ഷ ഏര്‍പ്പെടുത്തുന്നത് നീക്കണമെന്നാണ് കോണ്‍ഗ്രസിന്റെ പ്രധാന ആവശ്യം.
ബില്‍ അവതരിപ്പിക്കുന്നതില്‍ പ്രതിഷേധിച്ച് സിപിഎം അംഗങ്ങള്‍ സഭയില്‍ നിന്ന് ഇറങ്ങിപ്പോയി.
This law is for women's rights & justice & not regarding any prayer, ritual or religion: Law Minister Ravi Shankar Prasad in Lok Sabha #TripleTalaqBill pic.twitter.com/feFU2W3faF
— ANI (@ANI) December 28, 2017
സിപിഎം ഉള്‍പ്പടെയുള്ള പാര്‍ട്ടികള്‍ ബില്ലിലെ ചില വ്യവസ്ഥകളെ എതിര്‍ത്ത് രംഗത്തെത്തിയിരുന്നു.ലോകസഭയില്‍ ബില്‍ അവതരിപ്പിക്കാന്‍ സര്‍ക്കാരിനായെങ്കിലും, രാജ്യസഭയില്‍ അംഗസംഖ്യ കുറവായതിനാല്‍ പ്രതിസന്ധി നേരിടും. എന്നാല്‍ അത് അതിജീവിച്ച് ബില്ല പാസാക്കാന്‍ കഴിയുമെന്നാണ് ബിജെപിയുടെ പ്രതീക്ഷ.
ഒറ്റയടിക്കുള്ള മുത്തലാഖ് ക്രിമിനല്‍ കുറ്റമാക്കുന്നതും മുത്തലാഖ് ചൊല്ലുന്നവര്‍ക്ക് മൂന്നുവര്‍ഷത്തെ തടവ് ശിക്ഷ ശുപാര്‍ശ ചെയ്യുന്നതുമാണ്ബില്ല്. കൂടുതല്‍ ചര്‍ച്ചകള്‍ക്കും പരിശോധനയ്ക്കുമായി അത് പാര്‍ലമെന്ററി സമിതിയുടെ പരിഗണനയ്ക്ക് വിടും. വാക്കാലുള്ളതും രേഖാമൂലമുള്ളതും ഇലക്‌ട്രോണിക് രൂപത്തിലുള്ളതുമായ മുത്തലാഖിനെ തടയാനും പുതിയ ബില്ലില്‍ വ്യവസ്ഥയുണ്ട്. മുസ്ലീം സ്ത്രീകള്‍ക്ക് ജീവനാംശം ഉറപ്പുവരുത്തുകയും പ്രായപൂര്‍ത്തിയാകാത്ത മക്കളുടെ സംരക്ഷണച്ചുമതല സ്ത്രീകള്‍ക്ക് നല്‍കാനും ബില്ല് വ്യവസ്ഥ ചെയ്യുന്നുണ്ട്.
Discussion about this post