”ഇവര്‍ നമ്മുടെ നാട്ടില്‍ ജനിച്ചതില്‍ അഭിമാനിക്കാം”:ഭഗത് സിംഗിനും രാജ്ഗുരുവിനും സുഖ്‌ദേവിനും ശ്രദ്ധാഞ്ജലിയര്‍പ്പിച്ച് പ്രധാനമന്ത്രി

പ്രധാനമന്ത്രി നരേന്ദ്ര മോദി ഭഗത് സിംഗിനും രാജ്ഗുരുവിനും സുഖ്‌ദേവിനും ശ്രദ്ധാഞ്ജലിയര്‍പ്പിച്ചു. 87 വര്‍ഷങ്ങള്‍ക്ക് മുമ്പ് (1931) മാര്‍ച്ച് 23നായിരുന്നു ഭഗത് സിംഗിന്റെയും രാജ്ഗുരുവിന്റെയും സുഖ്‌ദേവിന്റെയും വധശിക്ഷ നടപ്പിലാക്കിയത്.

ഇവര്‍ മൂവരുടെയും ആത്മത്യാഗം നമ്മുടെ ചരിത്രത്തിലെ ഒരു നിര്‍ണ്ണായക നിമിഷമായിരുന്നുവെന്നും അവര്‍ യുവത്വത്തില്‍ തന്നെ തങ്ങളുടെ ജീവന്‍ ബലി നല്‍കി മറ്റുള്ളവര്‍ക്ക് സ്വാതന്ത്ര്യവും അന്തസ്സുമുള്ള ഒരു ജീവിതം നല്‍കിയെന്നും പ്രധാനമന്ത്രി ട്വിറ്ററിലൂടെ പറഞ്ഞു. എല്ലാ ഇന്ത്യക്കാരും ഇവര്‍ തങ്ങളുടെ നാട്ടില്‍ ജനിച്ചതില്‍ അഭിമാനിക്കുന്നുവെന്നും അദ്ദേഹം കൂട്ടിച്ചേര്‍ത്തു.

The martyrdom of Bhagat Singh, Rajguru & Sukhdev was a watershed moment in our history. Every Indian is proud that these three great men belong to our land. At the peak of their youth they sacrificed their lives so that others can live a life of freedom and dignity. pic.twitter.com/XatfuPbyNK

— Narendra Modi (@narendramodi) March 23, 2018

ഇതുകൂടാതെ റാം മനോഹര്‍ ലോഹിയയുടെ ജന്മദിനം കൂടിയായ മാര്‍ച്ച് 23ന് അദ്ദേഹത്തെയും പ്രധാനമന്ത്രി ശ്രദ്ധവെച്ചു. ഇരുപതാം നൂറ്റാണ്ടിലെ ഒരു അസാധാരണമായ വ്യക്തിത്വമായിരുന്നു അദ്ദേഹമെന്നും മോദി പറഞ്ഞു.