ശ
ബരിമലയില് യുവതി പ്രവേശനത്തിനെതിരെ കനത്ത പ്രതിഷേധം നിലനില്‍ക്കുന്ന സാഹചര്യത്തില്‍ ശബരിമലയില്‍ നാലിടങ്ങളില്‍ നിരോധനാജ്ഞ പുറപ്പെടുവിച്ചു. നാളെ ഒരു ദിവസത്തേക്കാണ് നിരോധനാജ്ഞയുള്ളത്. പമ്പ, സന്നിധാനം, ഇലവുങ്കല്‍, നിലയ്ക്കല്‍ എന്നീ സ്ഥലങ്ങളിലാണ് നിരോധനാജ്ഞ നിലവില്‍ വരിക.
ഭക്തര്‍ക്ക് ദര്‍ശനം നടത്താന്‍ സൗകര്യമൊരുക്കുമെന്ന് സര്‍ക്കാര്‍ അറിയിച്ചു. പ്രതിഷേധങ്ങള്‍ ഒരു കാരണവശാലും അനുവദിക്കാനാവില്ലെന്ന് പത്തനംതിട്ട ജില്ലാ കളക്ടര്‍ അറിയിച്ചു.
യുവതി പ്രവേശന വിഷയത്തില്‍ വലിയ രീതിയില്‍ പ്രതിഷേധം നടക്കുന്ന സാഹചര്യത്തില്‍ ശബരിമല നട ഇന്ന് വൈകീട്ട് അഞ്ച് മണിക്ക് തുറന്നു. മേല്‍ശാന്തി വി.എം.ഉണ്ണികൃഷ്ണന്‍ നമ്പൂതിരിയുടെ നേതൃത്വത്തിലായിരുന്നു നട തുറന്നത്. നിലവില്‍ യുവതികളായ ഭക്തജനങ്ങള്‍ക്ക് സന്നിധാനത്ത് പ്രവേശിക്കാനായിട്ടില്ല.
Discussion about this post