ഇത്തവണയും പ്രധാനമന്ത്രി നരേന്ദ്ര മോദി ദീപാവലിയാഘോഷിച്ചത് ജവാന്മാരുടെ കൂടെയാണ്. ഉത്തരാഖണ്ഡിലെ ഹര്സിലിലെ ജവാന്മാരുടെയും ഇന്ഡോ ടിബറ്റന് ബോര്ഡര് പോലീസ് സേനയുടെയും കൂടെയാണ് മോദി ദീപാവലിയാഘോഷിച്ചത്.
ദീപാവലിയെന്നത് പ്രകാശത്തിന്റെ ആഘോഷമാണെന്നും മഞ്ഞുമലയുടെ മുകളില് ജവാന്മാര് ചെയ്യുന്ന പ്രവൃത്തികള് രാഷ്ട്രത്തിന് കരുത്ത് പകരുന്ന ഒന്നാണെന്ന് അദ്ദേഹം പറഞ്ഞു. ജവാന്മാര് രാജ്യത്തെ 125 കോടി ജനങ്ങളുടെ ഭാവിയും സ്വപ്നങ്ങളും കാത്തുസൂക്ഷിക്കുന്നുവെന്നും അദ്ദേഹം പറഞ്ഞു.
അദ്ദേഹം ജവാന്മാര്ക്ക് മധുരം പങ്കിട്ട് കൊടുക്കുകയും ചെയ്തു. കഴിഞ്ഞ അഞ്ച് കൊല്ലമായി മോദി ജവാന്മാരുടെ കൂടെയാണ് തന്റെ ദീപാവലി ആഘോഷങ്ങള് നടത്തുന്നത്. താന് ഗുജറാത്തിലെ മുഖ്യമന്ത്രിയായിരിക്കുമ്പോള് തൊട്ട് ദീപാവലി ജവാന്മാരുടെ കൂടെയാണ് ആഘോഷിക്കാറുള്ളതെന്നും അദ്ദേഹം പറഞ്ഞു.
ജവാന്മാരുടെ കൂടെ ദീപാവലി ആഘോഷിച്ചതിന് ശേഷം അദ്ദേഹം കേദാര്നാഥ് ക്ഷേത്രവും സന്ദര്ശിച്ചു. കേദാര്നാഥിന്റെ പുനര് നിര്മ്മാണ പ്രവര്ത്തനങ്ങള് അദ്ദേഹം വിലയിരുത്തുകയും ചെയ്തു.
Discussion about this post