കൊല്‍ക്കത്ത ; ബംഗാളില്‍ കോണ്‍ഗ്രസുമായി തെരഞ്ഞെടുപ്പു സഖ്യത്തിനില്ലെന്നു തൃണമൂല്‍ കോണ്‍ഗ്രസ്. ബിജെപിക്കെതിരെ ഒറ്റയ്ക്കു പോരാടാനാണ് തീരുമാനമെന്നും തെരഞ്ഞെടുപ്പിനു ശേഷം സഖ്യം സംബന്ധിച്ചു ചര്‍ച്ച നടത്താമെന്നും മുതിര്‍ന്ന നേതാവും ബംഗാള്‍ മന്ത്രിയുമായ സബ്രത മുഖര്‍ജി പറഞ്ഞു.
ബംഗാളിലെ 42 സീറ്റുകളിലും തൃണമൂല്‍ ഒറ്റയ്ക്കു മത്സരിക്കുമെന്നു മുഖ്യമന്ത്രി മമത ബാനര്‍ജി ജൂലൈയില്‍ പ്രഖ്യാപിച്ചിരുന്നു. 2001, 2011 നിയമസഭാ തെരഞ്ഞെടുപ്പുകളും 2009 ലോക്സഭാ തെരഞ്ഞെടുപ്പും ഒരുമിച്ചു നേരിട്ട കോണ്‍ഗ്രസും തൃണമൂല്‍ കോണ്‍ഗ്രസും 2012 ല്‍ ആണ് വഴിപിരിഞ്ഞത്.
രാഹുല്‍ ഗാന്ധിയെ പ്രധാനമന്ത്രി സ്ഥാനാര്‍ഥിയായി പ്രഖ്യാപിച്ച ഡിഎംകെ നേതാവ് എം.കെ. സ്റ്റാലിന്റെ നടപടിയും കഴിഞ്ഞദിവസം തൃണമൂല്‍ തള്ളിയിരുന്നു. അതേസമയം, സംസ്ഥാനത്ത് കോണ്‍ഗ്രസ് ഒറ്റയ്ക്കു മത്സരിക്കാനാണ് ആഗ്രഹിക്കുന്നതെന്നും തൃണമൂലിനെ സഖ്യത്തിനു ക്ഷണിച്ചിട്ടില്ലെന്നും പ്രതിപക്ഷ നേതാവ് അബ്ദുല്‍ മന്നാന്‍ പ്രതികരിച്ചു.
Discussion about this post