2019ല് നടക്കാനിരിക്കുന്ന ലോക്സഭാ തിരഞ്ഞെടുപ്പില് വിശാലസഖ്യമെന്നത് വെറും മായയാണെന്ന് ബി.ജെ.പി ദേശീയ അധ്യക്ഷന് അമിത് ഷാ പറഞ്ഞു. തിരഞ്ഞെടുപ്പില് ബി.ജെ.പി തന്നെ ജയിക്കുമെന്നും അദ്ദേഹം കൂട്ടിച്ചേര്ത്തു.
വിശാലസഖ്യത്തിലെ പാര്ട്ടികളുമായി ബി.ജെ.പി 2014ല് മത്സരിച്ചതായിരുന്നുവെന്നും അതില് എല്ലാവരെയും ബി.ജെ.പി പരാജയപ്പെടുത്തിയെന്നും തുടര്ന്ന് തങ്ങളാണ് സര്ക്കാര് രൂപീകരിച്ചതെന്നും അദ്ദേഹം ചൂണ്ടിക്കാട്ടി. വിശാലസഖ്യത്തിലെ നേതാക്കള് എല്ലാവരും പ്രാദേശിക നേതാക്കളാണെന്നും അവര്ക്ക് പരസ്പരം സഹായിക്കാനാകില്ലെന്നും അമിത് ഷാ പറഞ്ഞു.
അതേസമയം രാജസ്ഥാനിലെയും മധ്യപ്രദേശിലെയും ഛത്തീസ്ഗഢിലെയും തിരഞ്ഞെടുപ്പുകളുടെ ഫലങ്ങളുമായി ലോക്സഭാ തിരഞ്ഞെടുപ്പിനെ താരതമയം ചെയ്യരുതെന്നും അദ്ദേഹം പറഞ്ഞു. വ്യത്യസ്തമായ വിഷയങ്ങളുടെ അടിസ്ഥാനത്തിലാണ് ഈ രണ്ട് തിരഞ്ഞെടുപ്പുകളും മത്സരിക്കിപ്പെടുന്നതെന്നും അദ്ദേഹം പറഞ്ഞു.
അഞ്ച് കൊല്ലത്തിനുള്ളില് രാഷ്ട്രത്തിന്റെ സുരക്ഷ ബി.ജെ.പി സര്ക്കാര് ഉറപ്പ് വരുത്തിയെന്ന് അമിത് ഷാ പറഞ്ഞു. അഴിമതിയെയും സര്ക്കാര് കീഴ്പ്പെടുത്തിയെന്ന് അദ്ദേഹം പറഞ്ഞു. കൂടാതെ എട്ട് കോടി ഭവനങ്ങളില് ശൗചാലയങ്ങളും 2.5 കോടി ഭവനങ്ങളില് വൈദ്യുതിയും സര്ക്കാര് എത്തിച്ചുവെന്ന് അദ്ദേഹം പറഞ്ഞു. ശക്തമായ ഒരു സര്ക്കാര് കേന്ദ്രത്തില് വരേണ്ടത് രാഷ്ട്രത്തിന്റെ മൊത്തം ആവശ്യമാണെന്ന് അദ്ദേഹം അഭിപ്രായപ്പെട്ടു.
2014ല് ആറ് സംസ്ഥാനങ്ങളില് മാത്രമായിരുന്നു ബി.ജെ.പി ഭരിച്ചിരുന്നതെന്നും ഇപ്പോള് 16 സംസ്ഥാാനങ്ങളില് ബി.ജെ.പി ഭരിക്കുന്നുണ്ടെന്നും അദ്ദേഹം ചൂണ്ടിക്കാട്ടി. 2019ല് പശ്ചിമബംഗാള്, വടക്ക് കിഴക്കന് മേഖല, ഒഡീഷ എന്നിവടങ്ങളില് ബി.ജെ.പി ശക്തമായ ചുവട് വെയ്പ് നടത്തുമെന്നും അദ്ദേഹം പറഞ്ഞു. ലോക്സഭാ തിരഞ്ഞെടുപ്പില് ശിവ സേന ബി.ജെ.പിയുടെ കൂടെയായിരിക്കുമെന്നും അദ്ദേഹം പറഞ്ഞു. ഇതിനായി ചര്ച്ചകള് നടക്കുന്നുണ്ടെന്നും അദ്ദേഹം ചൂണ്ടിക്കാട്ടി.
Discussion about this post