അഗസ്റ്റാ വെസ്റ്റ്ലാന്ഡ് ഹെലികോപ്റ്റര് ഇടപാടിലെ ഇടനിലക്കാരന് കൃസ്റ്റ്യന് മിഷേലിനെ എന്ഫോഴ്സ്മെന്റ് വകുപ്പിന് ഏഴ് ദിവസത്തെ കസ്റ്റഡിയില് നല്കിക്കൊണ്ട് ഡല്ഹിയിലെ കോടതി ഉത്തരവിറക്കി. കള്ളപ്പണം വെളുപ്പിച്ച കേസിലായിരുന്നു മിഷേലിനെ കസ്റ്റഡിയില് വിട്ടത്. അതേസമയം കൃസ്റ്റന് മിഷേലിന്റെ ജാമ്യാപേക്ഷ കോടതി തള്ളുകയുമുണ്ടായി. പ്രത്യേക ജഡ്ജി അരവിന്ദ് കുമാറായിരുന്നു ജാമ്യാപേക്ഷ തള്ളിയത്.
കോടതിയില് വാദം കേള്ക്കുന്ന വേളയില് കൃസ്റ്റ്യന് മിഷേലിനെ 15 ദിവസത്തേക്ക് കസ്റ്റഡിയില് കിട്ടണമെന്നായിരുന്നു എന്ഫോഴ്സ്മെന്റ് മുന്നോട്ട് വെച്ച ആവശ്യം. എന്നാല് കോടതി കൃസ്റ്റിയന് മിഷേലിനെ ചോദ്യം ചെയ്യാന് എന്ഫോഴ്സ്മെന്റിന് 15 മിനിറ്റ് നല്കുകയായിരുന്നു. ഇതിന് തൊട്ട് പുറകെ കൃസ്റ്റ്യന് മിഷേലിനെ എന്ഫോഴ്സ്മെന്റ് അറസ്റ്റ് ചെയ്യുകയുമുണ്ടായി.
കള്ളപ്പണമുപയോഗിച്ച് രണ്ട് വസ്തുവകകള് കൃസ്റ്റിയന് മിഷേല് വാങ്ങിയതായി തങ്ങള്ക്കറിയാമെന്ന് എന്ഫോഴ്സ്മെന്റ് വകുപ്പ് വ്യക്തമാക്കി. ഏകദേശം 225 കോടി രൂപ അഗസ്റ്റാ വെസ്റ്റ്ലാന്ഡില് നിന്നും കൃസ്റ്റ്യന് മിഷേല് നേടിയെന്നാണ് കുറ്റപത്രത്തില് എന്ഫോഴ്സ്മെന്റ് രേഖപ്പെടുത്തിയിരിക്കുന്നത്.
Discussion about this post