പാലക്കാട് : വനിതാമതിലില്‍ പങ്കെടുക്കുന്ന തൊഴിലുറപ്പുകാര്‍ക്ക് വേതനത്തോടു കൂടി 2 ദിവസത്തെ അവധി വാഗ്ദാനം. ജനുവരി ഒന്നിനു ഹാജര്‍ ബുക്ക് (മസ്റ്റര്‍ റോള്‍) പഞ്ചായത്ത് അസിസ്റ്റന്റ് സെക്രട്ടറിക്കു നല്‍കുമ്പോള്‍ തൊഴിലാളികളുടെ ഒപ്പ് രേഖപ്പെടുത്താനാണു നീക്കം. വേതനത്തോടു കൂടിയ 2 അവധിക്കു പാരിതോഷികമായി 250 രൂപ മതിലിന്റെ ചെലവിലേക്കു നല്‍കണമെന്നു തെക്കന്‍ ജില്ലകളിലെ തൊഴിലാളികളോട് ആവശ്യപ്പെട്ടിട്ടുണ്ടെന്നാണ് മലയാള മാധ്യമങ്ങള്‍ ഇതു സംബന്ധിച്ച് റിപ്പോര്‍ട്ട് നല്‍കുന്നത്.
വനിതാമതിലില്‍ ആരേയും നിര്‍ബന്ധിച്ച് പങ്കെടുപ്പിക്കരുതെന്നാണ് കോടതി നിര്‍ദ്ദേശം. എന്നാല്‍ വനിതാ മതില്‍ പങ്കെടുക്കന്നവര്‍ക്ക് പരിപാടിയുടെ ദിവസവും ആ മാസം തന്നെ മറ്റൊരു ദിവസവും വേതനത്തോടുകൂടി അവധി നല്‍കാന്‍ വാക്കാല്‍ നിര്‍ദേശമുണ്ട്.
സിപിഎമ്മിന്റെ എംഎന്‍ആര്‍ഇജിഎസ് വര്‍ക്കേഴ്‌സ് യുണിയന്‍ മുഖേന തൊഴിലുറപ്പുകാരെ പരമാവധി വനിതാമതിലില്‍ പങ്കെടുപ്പിക്കാന്‍ സമ്മര്‍ദം ശക്തമാക്കിയിട്ടുണ്ട്. പങ്കെടുത്തില്ലെങ്കില്‍ മസ്റ്റര്‍റോളില്‍ നിന്ന് ഒഴിവാക്കുമെന്നാണു ചില ജില്ലകളിലെ മുന്നറിയിപ്പ്. നിശ്ചിത എണ്ണം തൊഴിലാളികളെ പങ്കെടുപ്പിക്കാനും ചിലയിടത്തു നിര്‍ദേശമുണ്ട്. പങ്കെടുക്കുന്നവരുടെ തൊഴില്‍ കാര്‍ഡ് അടക്കമുള്ള വിവരങ്ങളുടെ പട്ടിക തയാറാക്കണം.
കഴിഞ്ഞ ദിവസം മതിലിന്റെ പ്രചാരണ പരിപാടിയില്‍ വേതനത്തോടുകൂടി അവധി നല്‍കി തൊഴിലുറപ്പുകാരെ പങ്കെടുപ്പിച്ചിരുന്നു. 22 നു സംഘാടക സമിതി യോഗങ്ങളിലും ജോലി ഒഴിവാക്കി തൊഴിലാളികള്‍ പങ്കെടുത്തിരുന്നു.
Discussion about this post