ശബരിമല: ശബരിമലയില് ആചാര ലംഘനത്തിന് നേതൃത്വം നല്കുന്നത് തീവ്രവാദ ബന്ധമുള്ള സംഘടനകളെന്ന് കേന്ദ്ര,സംസ്ഥാന രഹസ്യാന്വേഷണ വിഭാഗത്തിന്റെ റിപ്പോര്ട്ടുകളുടെ അടിസ്ഥാനത്തില് വിഷയത്തിന് പ്രാധാന്യം നല്കി എന്ഐഎ. ദേശീയ കുറ്റാന്വേഷണ ഏജന്സി തമിഴ്നാട്ടില് നിന്ന് ശബരിമല ദര്ശനത്തിനെത്തിയ മനിതി സംഘാംഗങ്ങള്ക്ക് അര്ബന് മാവോയിസ്റ്റുകളുമായി ബന്ധമുണ്ടെന്ന കണ്ടെത്തലിനെ തുടര്ന്ന് എന്.ഐ.എ അന്വേഷണം ഊര്ജ്ജിതമാക്കിയിട്ടുണ്ട്. സംങടനയുടെ സാമ്പത്തിക സ്രോതസ്സകളെ കുറിച്ചും അന്വേഷണം നടത്തിവരികയാണ്. ആചാര ലംഘനം നടത്താന് മനിതികള് വീണ്ടുമെത്തിയാല് ഇവരെ അറസ്റ്റുചെയ്യാനാണ് എന്.ഐ.എയുടെ നീക്കം.
ഞായറാഴ്ച പമ്പയിലെത്തിയ 11അംഗ മനിതി സംഘം അര്ബന് മാവോയിസ്റ്റുകള് മുഴക്കുന്ന തരത്തിലുള്ള മുദ്രാവാക്യം വിളിച്ചിരുന്നു. ഇത് സ്ഥലത്തുണ്ടായിരുന്ന കേന്ദ്ര ഇന്റലിജന്സ് സംഘത്തിന്റെ ശ്രദ്ധയില്പ്പെട്ടതോടെയാണ് ഇവര്ക്കെതിരെ അന്വേഷണം തുടങ്ങിയത്. സംഭവത്തെ തുടര്ന്ന് എന്.ഐ.എ തമിഴ്നാട് ഘടകം കേസ് ഏറ്റെടുത്തതോടെയാണ് മനിതി അംഗങ്ങള്ക്കെതിരെ കൂടുതല് വിരങ്ങള് ലഭിച്ചതെന്നാണ് റിപ്പോര്ട്ടുകള് വ്യക്തമാക്കുന്നത്. തമിഴ്നാട്ടിലെ തീവ്രവാദ ബന്ധമുള്ള കേസുകളില് സംഘാഗങ്ങളുടെ പങ്കിനെ കുറിച്ച് എന്ഐഎ അന്വേഷണം നടത്തിവരികയാണ്.
Discussion about this post