സോണിയാ ഗാന്ധിയുടെ പേര് പരാമര്‍ശിച്ച് കൃസ്ത്യന്‍ മിഷേല്‍: വെളിപ്പെടുത്തലുമായി എന്‍ഫോഴ്‌സ്‌മെന്റ് ഡയറക്ടറേറ്റ്, അഗസ്റ്റ വെസ്റ്റ്‌ലാന്റ് അഴിമതി കേസില്‍ കോണ്‍ഗ്രസിന് വലിയ തിരിച്ചടിയാകുമെന്ന് വിലയിരുത്തല്‍

അഗസ്റ്റ വെസ്റ്റ് ലാന്‍ഡ് അഴിമതി ഇടപാടിലെ പ്രതി കൃസ്ത്യന്‍ മിഷേല്‍ സോണിയാ ഗാന്ധിയുടെ പേര് പരാമര്‍ശിച്ചതായി എന്‍ഫോഴ്‌സ് മെന്റ് വെളിപ്പെടുത്തല്‍. ചോദ്യം ചെയ്യലിലാണ് മിഷേല്‍ ‘മിസിസ് ഗാന്ധി’യെ കുറിച്ച് പറഞ്ഞത്. ഇ.ഡി കോടതിയിലാണ് ഇക്കാര്യം വ്യക്തമാക്കിയത്.

ചോദ്യം ചെയ്യലിനെ കുറിച്ച് മിഷേല്‍ അഭിഭാഷകന് കുറിപ്പ് നല്‍കിയിരുന്നു.
മിഷേലിനെ കാണാന്‍ അഭിഭാഷകനെ അനുവദിക്കരുതെന്ന് എന്‍ഫോഴ്‌സ്‌മെന്റ് ഡയറക്ടറേറ്റ് കോടതിയില്‍ ആവശ്യപ്പെട്ടു. മിഷേലിനെ വീണ്ടും കോടതി എന്‍ഫോഴ്‌സമെന്റ് കസ്റ്റഡിയില്‍ വിട്ടിട്ടുണ്ട്.

Agusta Westland case: Enforcement Directorate tells Delhi's Patiala House court that Christian Michel has taken the name of Mrs Gandhi but in what reference can't be said right now. pic.twitter.com/9foBKVd3V0

— ANI (@ANI) December 29, 2018

അഗസ്റ്റ വെസ്റ്റ് ലാന്‍ഡ് കേസുമായി ബന്ധപ്പെട്ട ഇടപാടില്‍ സോണിയാഗാന്ധിയുടെ പേര് നേരത്തെ മിഷേല്‍ ഉന്നയിച്ചിരുന്നു. എന്നാലിത് നിഷേധിച്ച് പ്രസ്താവന ഇറക്കുകയും ചെയ്തു. എന്നാല്‍ പേര് ഇപ്പോള്‍ ആവര്‍ത്തിച്ചത് ഏറെ നിര്‍ണായകമാണെന്നാണ് വിലയിരുത്തല്‍.
അഗസ്റ്റ വെസ്റ്റ് ലാന്റ് ഹെലികോപ്റ്റര്‍ ഇടപാടി കേസിലെ പ്രതിയായ മിഷേലിനെ കള്ളപ്പണം വെളുപ്പിച്ചുവെന്ന കേസിലാണ് എന്‍ഫോഴ്‌സ്‌മെന്റ് ചോദ്യം ചെയ്തത്. നേരത്തെ മിഷേലിനെ യു.എ.ഇ ഇന്ത്യയ്ക്ക്‌ വിട്ടു നല്‍കുകയായിരുന്നു.

സോണിയയെ കൂടാതെ രാഹുലിനെപ്പറ്റിയും മിഷേല്‍ സംസാരിച്ചുവെന്ന് എന്‍ഫോഴ്‌സ്‌മെന്റ് വകുപ്പ് വ്യക്തമാക്കി. രാഹുല്‍ ഗാന്ധി എങ്ങനെ പ്രധാമന്ത്രിയാകുമെന്നും മിഷേല്‍ പറഞ്ഞതായി ഇ.ഡി പറയുന്നു.

ഇത് കൂടാതെ അഗസ്റ്റാ വെസ്റ്റ്‌ലാന്‍ഡ് ഇടപാടില്‍ ഹിന്ദുസ്ഥാന്‍ എയറൊണോട്ടിക്കല്‍ ലിമിറ്റഡിനെ (എച്ച്.എ.എല്‍) മാറ്റി ടാറ്റാ കമ്പനിക്ക് കരാറില്‍ ഇടം നല്‍കിയതിനെപ്പറ്റിയും മിഷേല്‍ വെളിപ്പെടുത്തിയിട്ടുണ്ട്.

അതേസമയം മിഷേലിനെക്കൊണ്ട് ഒരു കുടുംബത്തിന്റെ പേര് പറയാന്‍ സമ്മര്‍ദ്ദമുണ്ടെന്ന് കോണ്‍ഗ്രസ് ആരോപിച്ചു.