ക്രിക്കറ്റ് ഓസ്‌ട്രേലിയ തിരഞ്ഞെടുത്ത 2018ലെ ഏറ്റവും മികച്ച ഏകദിന ടീമി ഇന്ത്യയിലെ നാല് താരങ്ങളാണ് ഇടം പിടിച്ചിരിക്കുന്നത്. വിരാട് കോഹ്ലി, രോഹിത് ശര്‍മ്മ, കുല്‍ദീപ് യാദവ്, ജസ്പ്രീത് ബുംറ എന്നിവരാണ് മികച്ച ഏകദിന ടീമിലുള്ളത്. അതേസമയം ക്യാപ്റ്റനായി തിരഞ്ഞെടുത്തിരിക്കുന്നത് വിരാട് കോഹ്ലിയെയാണ്.
2018ല്‍ കോഹ്ലി 14 ഏകദിനങ്ങള്‍ കളിച്ചിരുന്നു. ഇതില്‍ നിന്നും 1,200 റണ്‍സാണ് കോഹ്ലി അടിച്ച് കൂട്ടിയത്. ഇതില്‍ ആറ് സെഞ്ചുറികളും ഉള്‍പ്പെടുന്നു. അതേസമയം 19 ഏകദിനങ്ങള്‍ കളിച്ച രോഹിത് ശര്‍മ്മ 73.57 ശരാശരിയില്‍ 1,030 റണ്‍സടിച്ചിട്ടുണ്ട്.
ഇന്ത്യയിലെ നാല് താരങ്ങള്‍ക്ക് പുറമെ ഇംഗ്ലണ്ട് ടെസ്റ്റ് ടീം നായകന്‍ ജോ റൂട്ട്, വെസ്റ്റ് ഇന്‍ഡീസിന്റെ ഷിമ്രോണ്‍ ഹെറ്റ്‌മെയര്‍, ഇംഗ്ലണ്ടിന്റെ ജോസ് ബട്ലര്‍, ശ്രീലങ്കയുടെ തിസാര പെരേര, അഫ്ഗാനിസ്ഥാന്റെ റാഷിദ് ഖാന്‍, ബംഗ്ലാദേശിന്റെ മുസ്തഫിസുര്‍ റഹ്മാന്‍ എന്നിവരാണ് ക്രിക്കറ്റ് ഓസ്‌ട്രേലിയ തെരഞ്ഞെടുത്ത 2018ലെ ഏകദിന ടീമിലുള്ളത്. അതേസമയം ഒരു ഓസ്‌ട്രേലിയന്‍ താരത്തിന് പോലും ടീമില്‍ ഇടം നേടാനായില്ല.
Discussion about this post