“ഹൈന്ദവര്‍ക്കെതിരെ പിണറായി സര്‍ക്കാര്‍ പട്ടാപ്പകല്‍ നടത്തുന്ന ബലാത്സംഗം”: ശബരിമല ആചാരലംഘനത്തില്‍ ആനന്ദ കുമാര്‍ ഹെഗ്‌ഡെ. വീഡിയോ-

ഹൈന്ദവര്‍ക്കെതിരെ പിണറായി സര്‍ക്കാര്‍ പട്ടാപ്പകല്‍ നടത്തുന്ന ബലാത്സംഗമാണ് ശബരിമലയില്‍ നടന്ന ആചാരലംഘനമെന്ന് കേന്ദ്ര മന്ത്രി ആനന്ദ കുമാര്‍ ഹെഗ്‌ഡെ അഭിപ്രായപ്പെട്ടു. ഭൂരിപക്ഷത്തിന്റെ വിശ്വാസത്തെ വ്രണപ്പെടുത്താതെ വേണമായിരുന്നു സര്‍ക്കാര്‍ വിഷയം കൈകാര്യം ചെയ്യേണ്ടിയിരുന്നതെന്ന് അദ്ദേഹം പറഞ്ഞു. സര്‍ക്കാര്‍ ഇക്കാര്യത്തില്‍ സമ്പൂര്‍ണ്ണ പരാജയമാണെന്നും അദ്ദേഹം ചൂണ്ടിക്കാട്ടി.

പിണറായി വിജയന്റെ മുന്‍വിധിയോട് കൂടിയുള്ള പെരുമാറ്റം ജനങ്ങള്‍ക്കിടയില്‍ ആശയക്കുഴപ്പം സൃഷ്ടിക്കുന്നുവെന്നും സംസ്ഥാനത്തെ നിയമ വ്യവസ്ഥ കൈകാര്യം ചെയ്യുന്നതില്‍ സര്‍ക്കാര്‍ പരാജയപ്പെട്ടുവെന്നും അദ്ദേഹം പറഞ്ഞു.

ശബരിമലയില്‍ ആചാരങ്ങള്‍ ലംഘിക്കപ്പെട്ടതില്‍ പ്രതിഷേധിച്ചുകൊണ്ട് ഇന്ന് സംസ്ഥാന വ്യാപകമായി ശബരിമല കര്‍മ്മ സമിതി ഹര്‍ത്താല്‍ ആചരിക്കുകയാണ്. സംസ്ഥാനത്തൊട്ടാകെ സംഘര്‍ഷാവസ്ഥ നിലനില്‍ക്കുകയാണ്. നിരവധിയിടങ്ങളില്‍ സി.പി.എം ഓഫീസുകള്‍ തകര്‍ക്കപ്പെട്ടിട്ടുണ്ട്. പാലക്കാട് സി.പി.ഐയുടെ ഓഫീസും തകര്‍ത്തിട്ടുണ്ട്.

#WATCH Union Minister Ananth Kumar Hegde on #Sabarimala row says, "Kerala govt entirely failed. It’s totally daylight rape on Hindu people." pic.twitter.com/brKdVApSZ8

— ANI (@ANI) January 2, 2019