പാക് പോര്‍വിമാനങ്ങള്‍ ഇന്ത്യന്‍ അതിര്‍ത്തി ലംഘിച്ചെന്ന് സ്ഥിരീകരിച്ച് പാക്കിസ്ഥാന്‍

പാക്കിസ്ഥാന്റെ പോര്‍വിമാനങ്ങള്‍ ഇന്ത്യന്‍ അതിര്‍ത്തി ലംഘിച്ചുവെന്ന് സ്ഥിരീകരിച്ചുകൊണ്ട് പാക്കിസ്ഥാന്‍ വിദേശകാര്യ മന്ത്രാലയം രംഗത്ത്. നിയന്ത്രണരേഖ മറികടന്ന് പാക്കിസ്ഥാന്‍ വിമാനങ്ങള്‍ ഇന്ത്യയില്‍ ആള്‍താമസമില്ലാത്ത പ്രദേശങ്ങളില്‍ ആക്രമണം നടത്തിയെന്ന് പാക് വിദേശകാര്യ വക്താവ് വ്യക്തമാക്കി. ഇന്ത്യയുടെ നീക്കത്തിനെതിരെ പ്രതികരിക്കാന്‍ പാക്കിസ്ഥാന് അവകാശമുണ്ടെന്ന് വ്യക്തമാക്കാന്‍ വേണ്ടിയാണ് ഇങ്ങനെ ചെയ്തതെന്നും വിദേശകാര്യ വക്താവ് പറഞ്ഞു. ഇത് ഒരു സൈനിക നീക്കമല്ലെന്നും പാക്കിസ്ഥാന്‍ കൂട്ടിച്ചേര്‍ത്തു.

അതേസമയം ഇന്ത്യയുടെ രണ്ട് വ്യോമസേനാ വിമാനങ്ങള്‍ ഇന്ന് പാക്കിസ്ഥാന്‍ അതിര്‍ത്തി കടന്നുവെന്ന് പാക് സൈന്യം ആരോപിച്ചു. ഇതേത്തുടര്‍ന്ന് ഈ രണ്ട് വിമാനങ്ങളെയും പാക്കിസ്ഥാന്‍ വെടിവെച്ചിട്ടെന്നും ഇതില്‍ ഒരു വിമാനം പാക്കിസ്ഥാന്‍ ഭാഗത്തും ഒരു വിമാനം ഇന്ത്യന്‍ ഭാഗത്തുമാണ് വീണതെന്നും പാക് സൈന്യം പറഞ്ഞു. ഇതില്‍ ഒരു പൈലറ്റിനെ പാക്കിസ്ഥാന്‍ പിടികൂടിയെന്നും പാക്കിസ്ഥാന്‍ അവകാശപ്പെടുന്നു.

In response to PAF strikes this morning as released by MoFA, IAF crossed LOC. PAF shot down two Indian aircrafts inside Pakistani airspace. One of the aircraft fell inside AJ&K while other fell inside IOK. One Indian pilot arrested by troops on ground while two in the area.

— DG ISPR (@OfficialDGISPR) February 27, 2019