ഡല്ഹി: പേര് കേട്ടാല് നിങ്ങള് ഞെട്ടുന്ന കോണ്ഗ്രസ് നേതാക്കള് ബിജെപിയില് ചേരാന് തയ്യാറായിട്ടുണ്ടെന്ന് കോണ്ഗ്രസില് നിന്ന് ഈയിടെ ബിജെപിയില് എത്തിയ മുതിര്ന്ന നേതാവ് ടോം വടക്കന്. കൂടുതല് കോണ്ഗ്രസ് നേതാക്കള് ബിജെപിയിലെത്തുമെന്ന് അദ്ദേഹത്തോടൊപ്പം ബിജെപി സംസ്ഥാന അധ്യക്ഷന് പിഎസ് ശ്രീധരന് പിള്ളയും സൂചന നല്കി.പേര് കേട്ടാല് അതിശയം തോന്നുന്ന പലരും ബിജെപിയില് ചേരാന് സന്നദ്ധരായി എത്തിയിട്ടുണ്ടെന്ന് ശ്രീധരന് പിള്ളയെ കണ്ട ശേഷം ടോം വടക്കനും ഡല്ഹിയില് മാധ്യമങ്ങളോട് പറഞ്ഞു.
കെപിസിസി നിര്വാഹക സമിതിയില്പ്പെട്ടവര് അടക്കം ഉടന് ബിജെപിയില് ചേരുമെന്ന് ശ്രീധരന്പിള്ള പറഞ്ഞു. ബിജെപി തെരഞ്ഞെടുപ്പിന് പൂര്ണ സജ്ജമാണ്. സ്ഥാനാര്ത്ഥി നിര്ണയത്തില് അനിശ്ചിതത്വങ്ങളൊന്നും ഇല്ല. അതേസമയം തൃശൂര് സ്ഥാനാര്ത്ഥിയുടെ കാര്യത്തില് അന്തിമ തീരുമാനം ആയിട്ടില്ലെന്നും ബിജെപി സംസ്ഥാന അധ്യക്ഷന് പറഞ്ഞു. ഇക്കാര്യത്തില് കേന്ദ്ര നേതൃത്വം അന്തിമ തീരുമാനം എടുക്കും. സംസ്ഥാന ഘടകം തയ്യാറാക്കിയ പട്ടിക കേന്ദ്ര നേതൃത്വത്തിന് കൈമാറിയിട്ടുണ്ടെന്നും ശ്രീധരന് പിള്ള പറഞ്ഞു.
Discussion about this post