ഡല്ഹി : പാക്കിസ്ഥാനില് ഹിന്ദു മതത്തില്പെട്ട രണ്ട് പെണ്കുട്ടികളെ തട്ടിക്കൊണ്ടുപോയ സംഭവത്തില് ഇടപെട്ട ഇന്ത്യയെ പരിഹസിച്ച പാക് വിദേശകാര്യമന്ത്രിയ്ക്ക് ചുട്ട മറുപടി നല്കി വിദേശകാര്യ മന്ത്രി സുഷമ സ്വരാജ്. സുഷമ സ്വരാജും പാക്ക് മന്ത്രി ഫവാദ് ഹുസൈനും തമ്മില് ട്വിറ്ററിലാണ് വിഷയത്തില് കൊമ്പു കോര്ത്തത്.
ഹോളി ആഘോഷത്തിനിടെ ഹിന്ദുപെണ്കുട്ടികളെ തട്ടിക്കൊണ്ടു പോയി മതം മാറ്റിയ സംഭവത്തില് സുഷമ പാക്കിസ്ഥാനിലെ ഇന്ത്യന് ഹൈക്കമ്മിഷണറോട് റിപ്പോര്ട്ട് തേടിയിരുന്നു. ഇതേ പാക്കിസ്ഥാന് മന്ത്രിയെ ഇട്ട ട്വീറ്റാണ് പ്രകോപനത്തിനിടയാക്കിയത്. സംഭവം പാക്കിസ്ഥാനിലെ ആഭ്യന്തര പ്രശ്നമാണെന്ന് സുഷമയുടെ ട്വീറ്റ് റീട്വീറ്റ് ചെയ്ത് ഫവാദ് വ്യക്തമാക്കി.
Mam its Pakistin internal issue and rest assure its not Modi’s India where minorities are subjugated its Imran Khan’s Naya Pak where white color of our flag is equally dearer to us.I hope you ll act with same diligence when it comes to rights of Indian Minorities https://t.co/MQC1AnnmGR
— Ch Fawad Hussain (@fawadchaudhry) March 24, 2019
ന്യൂനപക്ഷങ്ങളെ അടിമപ്പെടുത്തുന്ന മോദിയുടെ ഇന്ത്യയല്ല. ഇമ്രാന് ഖാന്റെ പുതിയ പാക്കിസ്ഥാനാണിത്. പാക്ക് പതാകയിലെ വെളുപ്പ് നിറം ഞങ്ങള്ക്ക് ഏറെ പ്രിയപ്പെട്ടതാണ്. ഇന്ത്യയിലെ ന്യൂനപക്ഷങ്ങളുടെ അവകാശത്തിലും താങ്കള് ഇതേ ജാഗ്രതയോടെ പ്രവര്ത്തിക്കുമെന്നു പ്രതീക്ഷിക്കുന്നു- ഫവാദ് ട്വിറ്ററില് കുറിച്ചു. ഇതിന് വായടപ്പിക്കുന്ന മറുപടിയാണ് സുഷമ സ്വരാജ് നല്കിയത്.
Mr.Minister @fawadchaudhry – I only asked for a report from Indian High Commissioner in Islamabad about the kidnapping and forced conversion of two minor Hindu girls to Islam. This was enough to make you jittery. This only shows your guilty conscience. @IndiainPakistan
— Sushma Swaraj (@SushmaSwaraj) March 24, 2019
നിങ്ങളെ പരിഭ്രാന്തരാക്കാന് ഇത്രയും മതി. തെറ്റാണെന്നറിഞ്ഞിട്ടുള്ള നിങ്ങളുടെ കുറ്റബോധമാണ് ഇതെന്നും സുഷമ മറുപടി നല്കി. രണ്ട് ഹിന്ദു പെണ്കുട്ടികളെ മതപരിവര്ത്തനം നടത്തിയ സംഭവത്തില് റിപ്പോര്ട്ട് ചോദിക്കുക മാത്രമാണ് താന് ചെയ്തതെന്നും സുഷമ മറുപടി നല്കി.
മറ്റുരാജ്യങ്ങളിലുള്ള ന്യൂനപക്ഷങ്ങളുടെ അവകാശത്തില് ശ്രദ്ധയുള്ള ആള്ക്കാര് ഇന്ത്യയിലുണ്ടെന്നതില് സന്തോഷമുണ്ടെന്നായിരുന്നു ഇതിന് പാക് മന്ത്രിയുടെ പ്രതികരണം.
Madam Minister I am happy that in the Indian administration we have people who care for minority rights in other countries. I sincerely hope that your conscience will allow you to stand up for minorities at home as well. Gujarat and Jammu must weigh heavily on your soul. https://t.co/7D0vMiUI42
— Ch Fawad Hussain (@fawadchaudhry) March 24, 2019
ഹോളി സമയത്ത് പാക്കിസ്ഥാനിലെ സിന്ധ് പ്രവിശ്യയില് രണ്ട് ഹിന്ദു പെണ്കുട്ടികളെ തട്ടിക്കൊണ്ടുപോയെന്നു ദേശീയ മാധ്യമങ്ങള് നേരത്തേ റിപ്പോര്ട്ട് ചെയ്തിരുന്നു. ഇവരെ പിന്നീട് ഇസ്!ലാമിലേക്കു മതം മാറ്റിയെന്നുമായിരുന്നു വിവരം. നടപടിയില് പ്രദേശത്തെ ഹിന്ദുമത വിശ്വാസികള് പ്രതിഷേധിച്ചിരുന്നു. തട്ടിക്കൊണ്ടുപോയവര്ക്കെതിരെ നടപടിയെടുക്കണമെന്നായിരുന്നു ആവശ്യം.പിന്നാലെ സുഷമ സ്വരാജ് പാക് ഹൈക്കമ്മീഷണറോട് റിപ്പോര്ട്ട് തേടിയിരുന്നു.
പാക്കിസ്ഥാനില് ഹിന്ദു മതവിശ്വാസികളുള്പ്പെടെയുള്ള ന്യൂനപക്ഷങ്ങള്ക്കെതിരായ നടപടികള്ക്കെതിരെ ഇന്ത്യ നേരത്തേയും ശബ്ദമുയര്ത്തിയിരുന്നു. ബംഗ്ലദേശ്, പാക്കിസ്ഥാന്, അഫ്ഗാനിസ്ഥാന് എന്നിവിടങ്ങളില് നിന്ന് ഇന്ത്യയിലെത്തി ആറു വര്ഷമായി രാജ്യത്തു തുടരുന്ന കുടിയേറ്റക്കാര്ക്കു പൗരത്വം നല്കാന് ഇന്ത്യ തീരുമാനിച്ചിട്ടുണ്ട്. ഇതിനായുള്ള പൗരത്വ ഭേദഗതി ബില് ലോക്സഭ പാസാക്കിയിരുന്നു.
Discussion about this post