രണ്ടാം തവണയും നരേന്ദ്രമോദി വരുമോ എന്ന ചോദ്യത്തിന് രസകരമായ മറുപടിയുമായി സൂപ്പര്സ്റ്റാര് രജനികാന്ത്. 23 ന് അത് കൃത്യമായി അറിയാമല്ലോ എന്നാണ് അദ്ദേഹത്തിന്റെ മറുപടി.. ഒരു ചിരിയോടെ ആണ് അദ്ദേഹം മാധ്യമപ്രവര്ത്തകന്റെ ചോദ്യത്തിന് ഉത്തരം നല്കിയത്.
അതേ സമയം അടുത്ത തമിഴ്നാട് നിയമസഭ തെരഞ്ഞെടുപ്പില് തന്റെ പാര്ട്ടി മത്സരിക്കുമെന്ന് നടന് രജനീകാന്ത്. അസംബ്ലി തെരഞ്ഞെടുപ്പില് ആരാധകരെ നിരാശരാക്കില്ലെന്നും രജനീകാന്ത് മാധ്യമങ്ങളോട് പറഞ്ഞു.എപ്പോള് നിയമസഭാ തെരഞ്ഞെടുപ്പ് പ്രഖ്യാപിച്ചാലും ഞാന് തയ്യാറാണ്. മെയ് 23-ന് ഫലപ്രഖ്യാപനം വന്ന ശേഷമേ ഇക്കാര്യത്തില് അന്തിമതീരുമാനം എടുക്കും – ചെന്നൈയില് മാധ്യമങ്ങളെ കണ്ട രജനീകാന്ത് പറഞ്ഞു.
ഉപതിരഞ്ഞെടുപ്പ് നടക്കുന്ന 18 നിയമസഭാ സീറ്റുകളിലേക്കുള്ള ഉപതിരഞ്ഞെടുപ്പില് അണ്ണാ ഡിഎംകെ പരാജയപ്പെട്ടാല് സര്ക്കാരിന് ഭരണം നഷ്ടമാകും. അങ്ങനെ വന്നാല് തമിഴകം വീണ്ടും തിരഞ്ഞെടുപ്പിന്റെ ചൂടിലേക്ക് കടക്കും. ഇത് മുന്നില് കണ്ടാണ് രജനികാന്തിന്റെ പുതിയ നീക്കം.
Discussion about this post