കവിത മോഷണ വിവാദത്തില്‍ കേരള വര്‍മ കോളെജ് പ്രിന്‍സിപ്പലിന് യുജിസി നോട്ടീസയച്ചു. കലേഷിന്റെ കവിത മോഷ്ടിച്ചതുമായി ബന്ധപ്പെട്ട് എന്താണ് സംഭവിച്ചതെന്ന് വ്യക്തമാക്കി റിപ്പോര്‍ട്ട് നല്‍കണമെന്നും മോഷണവിവാദത്തില്‍ കോളെജ് മാനേജ്‌മെന്റിന്റെ നിലപാട് എന്താണെന്ന് വ്യക്തമാക്കണമെന്നും യുജിസിയുടെ കത്തില്‍ ആവശ്യപ്പെട്ടിട്ടുണ്ട്.
കവിത മോഷണവുമായി ബന്ധപ്പെട്ട് കോളെജ് തലത്തില്‍ അന്വേഷണം നടന്നിട്ടുണ്ടോയെന്ന് കത്തില്‍ ചോദിച്ചിട്ടുണ്ട്. അന്വേഷണം നടന്നെങ്കില്‍ ആ റിപ്പോര്‍ട്ട് യുജിസിയ്ക്ക് ലഭ്യമാക്കണമെന്നും നിര്‍ദേശമുണ്ട്.
ദീപ നിശാന്തിന്റെ സത്യസന്ധതയെ ചോദ്യം ചെയ്തു കൊണ്ട് ലഭിച്ച പരാതിയിലാണ് യുജിസിയുടെ ഇടപെടല്‍. തൃശൂര്‍ സ്വദേശി സി.ആര്‍ സുകുവാണ് കവിത മോഷണ വിവാദത്തില്‍ ദീപ നിശാന്തിനെതിരെ യുജിസിയ്ക്ക് പരാതി നല്‍കിയത്.
Discussion about this post