അഞ്ചാംഘട്ട തെരഞ്ഞെടുപ്പ് നടക്കുന്ന മണ്ഡലങ്ങളില് ഇന്ന് നിശബ്ദ പ്രചാരണം. അമേഠിയും റായ്ബറേലിയുമടക്കം 51 മണ്ഡലങ്ങളിലാണ് അഞ്ചാംഘട്ടത്തിലെ തെരഞ്ഞെടുപ്പ്. പരമാവധി വോട്ടുറപ്പിക്കാനുള്ള അവസാന വട്ട ശ്രമങ്ങളിലാണ് സ്ഥാനാര്ഥികള്. യുപിയില് പതിനാലും രാജസ്ഥാനില് പന്ത്രണ്ടും ബംഗളിലും മധ്യപ്രദേശിലും ഏഴു വീതം സീറ്റിലും ബീഹാറില് അഞ്ചും ജാര്ഖണ്ഡില് നാലും കശ്മീരില് രണ്ടും സീറ്റിലാണ് അഞ്ചാം ഘട്ടത്തില് വോട്ടെടുപ്പ് നടക്കുക.
രാഹുല് ഗാന്ധിയും സ്മൃതി ഇറാനിയും മത്സരിക്കുന്ന അമേഠിയടക്കം ശ്രദ്ധേയമായ നിരവധി മണ്ഡലങ്ങളില് ഈ ഘട്ടത്തില് വോട്ടെടുപ്പ് നടക്കും. സോണിയ ഗാന്ധി മത്സരിക്കുന്ന റായ്ബറേലിയും കേന്ദ്രമന്ത്രി രാജ്നാഥ് സിങ് മത്സരിക്കുന്ന ലഖ്നൗവുമാണ് ഉത്തര്പ്രദേശിലെ പ്രധാനപ്പെട്ട മറ്റ് രണ്ട് മണ്ഡലങ്ങള്. ഇവയടക്കം യുപിയിലെ 14 മണ്ഡലങ്ങളിലാണ് തിങ്കളാഴ്ച വോട്ടെടുപ്പ് നടക്കുന്നത്. ബീഹാറില് അഞ്ച് മണ്ഡലങ്ങളിലാണ് വോട്ടെടുപ്പ് നടക്കുന്നത്.
Discussion about this post