‘ നോട്ടീസുകള്‍ വിതരണം ചെയ്തതില്‍ എനിക്ക് എന്തെങ്കിലും പങ്കുള്ളതായി തെളിയിച്ചാല്‍ ജനമധ്യത്തില്‍ ആത്മഹത്യ ചെയ്യാം , അല്ലെങ്കില്‍ കെജ്രിവാള്‍ രാഷ്ട്രീയം ഉപേക്ഷിക്കണം ‘ ; ഗൗതം ഗംഭീര്‍

എഎപി സ്ഥാനാര്‍ത്ഥി അതിഷിയെ അപകീര്‍ത്തിപ്പെടുത്തുന്ന തരത്തില്‍ നോട്ടീസുകള്‍ പ്രചരിപ്പിച്ചതിന് പിന്നില്‍ തനിക്ക് എന്തെങ്കിലും ബന്ധമുണ്ടെന്ന് തെളിയിച്ചാല്‍ പൊതുജനമധ്യത്തില്‍ ആത്മഹത്യ ചെയ്യുമെന്ന് ബിജെപി സ്ഥാനാര്‍ത്ഥിയും ക്രിക്കറ്റ് താരവുമായ ഗൗതം ഗംഭീര്‍.

നോട്ടീസുകള്‍ വിതരണം ചെയ്തതില്‍ തനിക്ക് എന്തെങ്കിലും പങ്കുള്ളതായി തെളിയിച്ചാല്‍ ജനമധ്യത്തില്‍ താന്‍ ആത്മഹത്യ ചെയ്യാം. അല്ലെങ്കില്‍ കെജ്രിവാള്‍ രാഷ്ട്രീയം ഉപേക്ഷിക്കണമെന്നും ഗംഭീര്‍ ട്വിറ്ററില്‍ കുറിച്ചു. തനിക്ക് പങ്കുണ്ടെന്ന് തെളിയിച്ചാല്‍ സ്ഥാനാര്‍ത്ഥിത്വം പിന്‍വലിക്കാമെന്നും ഗംഭീര്‍ അറിയിച്ചു. തന്‍റെ പ്രതിച്ഛായ നശിപ്പിക്കാന്‍ എഎപി നടത്തിയ ആസൂത്രിത നീക്കമാണെന്നും ഗംഭീര്‍ ആരോപിച്ചു.

കഴിഞ്ഞ ദിവസമാണ് ഈസ്റ്റ് ഡൽഹിയിലെ എഎപി സ്ഥാനാര്‍ത്ഥിയായ അതിഷിയെ അപകീര്‍ത്തിപ്പെടുത്തുന്ന നോട്ടീസുകള്‍ പ്രചരിച്ചത്. ഇതിനു പിന്നിൽ ബിജെപി സ്ഥാനാർത്ഥി ഗൗതം ഗംഭീറാണെന്നായിരുന്നു അരവിന്ദ് കെജ്രിവാൾ പ്രചരിപ്പിച്ചത് . ഇതേ തുടർന്നാണ് ഗംഭീർ അരവിന്ദ് കെജ്രിവാളിനെ വെല്ലുവിളിച്ചത് .

Challenger Number 3 to @ArvindKejriwal and @aap. If he can prove that I have anything to do with this pamphlet filth, then I will hang myself in public. Otherwise @ArvindKejriwal should quit politics. Accepted?

— Gautam Gambhir (Modi Ka Parivar) (@GautamGambhir) May 10, 2019