സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന്റെ മൂത്തമകന് ബിനോയ് വിനോദിനി ബാലകൃഷ്ണനെതിരെ മുംബൈയില് മാനംഭംഗ കേസ്.
വിവാഹ വാഗ്ദാനം നല്കി വര്ഷങ്ങളോളം ലൈംഗികമായി പീഡിപ്പിച്ചെന്നും ആ ബന്ധത്തില് എട്ടുവയസുള്ള കുട്ടിയുണ്ടെന്നും കാട്ടി യുവതി അന്ധേരി ഓഷിവാര പോലീസില് പരാതി നല്കി. പരാതിയില് എഫ്ഐഐആര് രജിസ്റ്റര് ചെയ്ത് പോലീസ് അന്വേഷണം ആരംഭിച്ചു. 2009 മുതല് 2018 വരെ തന്നെ ലൈംഗികമായി പീഡിപ്പിച്ചുവെന്നാണ് പരാതി.
ദുബായില് ഡാന്സ് ബാറില് ജോലി ചെയ്തിരുന്ന ബീഹാര് സ്വദേശിനിയായ 33 കാരിയാണ് പരാതിക്കാരി. ഡാന്സ് ബാറിലെ സ്ഥിരം സന്ദര്ശകനായിരുന്ന ബിനോയിയെ അവിടെവെച്ചാണ് പരിചയപ്പെടുന്നതെന്നും ജോലി ഉപേക്ഷിച്ചാല് തന്നെ വിവാഹം കഴിക്കാമെന്ന് വാഗ്ദാനം നല്കിയെന്നും യുവതിയുടെ പരാതിയില് പറയുന്നു.
ബിനോയിയുമായുള്ള ബന്ധത്തെ തുടര്ന്ന് 2009 നവംബറില് ഗര്ഭിണിയായെന്നും തുടര്ന്ന് മുംബൈയിലെത്തിയെന്നും എഫ്ഐആറില് പറയുന്നു. . 2010 ല് അന്ധേരിയില് ഫ്ളാറ്റ് വാടകയ്ക്കെടുത്ത് അവിടെ താമസിപ്പിച്ചു. ബിനോയ് പതിവായി അവിടെ വന്നുപോകും. എല്ലാമാസവും പണം അയച്ചുതന്നിരുന്നു. എന്നാല് 2015 ലാണ് തന്നെ ഒഴിവാക്കാന് ശ്രമം തുടങ്ങിയത്. 2018 ലാണ് ബിനോയ് വിവാഹിതനാണെന്ന് മനസിലാക്കുന്നതെന്നും യുവതി പറയുന്നു. ഇക്കാര്യം ചോദിച്ചപ്പോള് തന്നെ ഭീഷണിപ്പെടുത്തിയെന്നും യുവതിയുടെ മൊഴിയായി എഫ്ഐആറില് രേഖപ്പെടുത്തിയിട്ടുണ്ട്.
ഐപിസി സെക്ഷന് 376, 376(2), 420,504,506 എന്നീ വകുപ്പുകളടക്കം. മാനഭംഗം, വഞ്ചന, ഭീഷണിപ്പെടുത്തല് തുടങ്ങിയ കുറ്റങ്ങളാണ് ബിനോയിക്കെതിരെ ചുമത്തിയിരിക്കുന്നത്.എന്നാല് പരാതിക്കാരിടെ പരിചയമുണ്ടെന്നും ഇത് ബ്ലാക്ക് മെയിലിംഗ് ആണെന്നുമാണ് ബിനോയ് പ്രതികരിച്ചത്.
Discussion about this post