സഹകരണ സംഘം തിരഞ്ഞെടുപ്പിനെ ചൊല്ലിയുള്ള തര്ക്കത്തിനൊടുവില് പോലീസുകാര് തമ്മിലടിച്ച സംഭവത്തില് 14 പോലീസുകാര്ക്കെതിരെ നടപടി. ആദ്യ ഘട്ടമായി എട്ട് പേരെ സസ്പെന്ഡ് ചെയ്തു.
സൊസൈറ്റി ഓഫീസ് ഉപരോധിച്ച് സമരം നടത്തിയതടക്കം ഗുരുതര അച്ചടക്ക ലംഘനം നടത്തിയതിന്റെ പേരില് സിറ്റി പോലീസ് കമ്മീഷണറുടേതാണ് നടപടി.പൊലീസ് സർവ്വീസ് സഹകരണ സംഘത്തിന്റെ ഓഫീസ് ഉപരോധിച്ചതും മുദ്രാവാക്യം വിളിച്ചതും ഗുരുതര അച്ചടക്കലംഘനമെന്ന് സിറ്റി പൊലീസ് കമ്മീഷണർ അറിയിച്ചു. കുറ്റക്കാരായി കണ്ടെത്തിയ മറ്റ് പൊലീസുകാർക്കെതിരായ നടപടിക്കായി അവർ ജോലി ചെയ്യുന്ന യൂണിറ്റുകളിലേക്ക് റിപ്പോർട്ട് കൈമാറിയിട്ടുണ്ട്.
ശനിയാഴ്ച രാവിലെയാണ് തിരിച്ചറിയല് കാര്ഡ് വൈകുന്നതുമായി ബന്ധപ്പെട്ട വിഷയത്തില് ഇടത് -വലത് സംഘടനകളില് പെട്ട പോലീസുകാര് തമ്മില് ആദ്യം വാക്കുതര്ക്കവും പിന്നീട് ഉന്തും തള്ളുമുണ്ടായത്.
കുത്തിയിരുന്ന് സമരം നടത്തുകയും മുദ്രാവാക്യം വിളിക്കുകയും ചെയ്തതിന് രണ്ട് വനിതാ സിവില് ഓഫീസര്മാരടക്കം എട്ട് പേര്ക്കെതിരെ ഗുരുതര അച്ചടക്കലംഘനത്തിനാണ് നടപടിയെടുത്തിരിക്കുന്നത്.
Discussion about this post