കർണാടകയിൽ രാഷ്ട്രീയ പ്രതിസന്ധി തുടരുന്നതിനിടയിൽ റിസോർട്ടിൽ കഴിയുന്ന എം എൽ എമാർക്കൊപ്പം ക്രിക്കറ്റ് കളിച്ച് ബിജെപി സംസ്ഥാന അധ്യക്ഷൻ ബി എസ് യെഡിയൂരപ്പ. വിമതരെ അനുനയിപ്പിക്കാനാകാതെ കോൺഗ്രസ് -ദൾ നേതൃത്വം ഏറെ സമ്മർദത്തിലായിരിക്കുമ്പോൾ യെലഹങ്കയിലെ റമദാ ഹോട്ടലിൽ ബിജെപി നേതാക്കളും എം എൽ എമാരും കായികവിനോദങ്ങളിൽ മുഴുകി സമയം ചിലവഴിക്കുകയാണ്.
എംഎല്എമാരായ രേണുകാചാര്യയ്ക്കും എസ്ആര് ശിവനാഥിനുമൊപ്പം യെദ്യൂരപ്പ ക്രിക്കറ്റ് കളിക്കുന്ന ചിത്രം പുറത്തുവിട്ടത്.വിമത നീക്കം ഫലംകാണുകയും സര്ക്കാര് നിലംപതിക്കാനുള്ള സാഹചര്യവും ഉരുത്തിരിഞ്ഞതോടെ ആഹ്ലാദത്തിലാണ് യെദ്യൂരപ്പയും ബിജെപി ക്യാമ്പും.
13 കോണ്ഗ്രസ് എംഎല്എമാരും മൂന്നു ജെഡിഎസ് എംഎല്എമാരും രണ്ട് സ്വതന്ത്രരുമാണ് സര്ക്കാരിനുള്ള പിന്തുണ പിന്വലിച്ചത്. ഇതില് 15 വിമതരുടെ രാജിക്കത്ത് സ്പീക്കര് സ്വീകരിക്കണമെന്ന് ആവശ്യപ്പെടുന്ന ഹര്ജിയിലാണ് ഇന്ന് രാവിലെ വിധി വരുക.
വിശ്വാസവോട്ടെടുപ്പിൽ കോൺഗ്രസ് ദൾ സഖ്യം പരാജയപ്പെടുമെന്ന് ഉറപ്പായതോടെ സർക്കാർ ഉണ്ടാക്കാമെന്ന ആത്മവിശ്വാസത്തിലാണ് ബിജെപി. നിലവിൽ ബിജെപിക്ക് 107 പേരുടെ പിന്തുണയുണ്ട്.
Discussion about this post