ഡൽഹി: കശ്മീരിലെ ഭീകരവിരുദ്ധ പോരാട്ടങ്ങൾക്ക് സേനാ പുരസ്കാരം നേടിയ ലെഫ്റ്റ്നന്റ് ജനറൽ മനോജ് മുകുന്ദ് നരവാനെ കരസേനയുടെ ഉപമേധാവിയായി ചുമതലയേറ്റു. കരസേനയുടെ കിഴക്കൻ കമാൻഡിന്റെ തലവനായിരുന്ന നരവാനെ, ലെഫ്റ്റ്നന്റ് ജനറൽ ദേവരാജ് അൻപ് വിരമിച്ച ഒഴിവിലാണ് നിയമിതനാകുന്നത്.
വടക്ക് കിഴക്കൻ മേഖലയിലെയും കശ്മീരിലെയും ഭീകരവിരുദ്ധ പോരാട്ടങ്ങൾക്ക് നേതൃത്വം നൽകിയ ഉദ്യോഗസ്ഥനാണ് നരവാനെ. ഓപ്പറേഷൻ പവൻ എന്ന് പേരിട്ട ശ്രീലങ്കയിലെ ഇന്ത്യൻ സൈനിക ദൗത്യത്തിന്റെ ഭാഗമായും അദ്ദേഹം സേവനമനുഷ്ഠിച്ചിട്ടുണ്ട്.
ജമ്മു കശ്മീരിലെ സുധീരമായ സൈനിക സേവനത്തിന് സേനാ പുരസ്കാരം നേടിയ നരവാനെ നാഗാലാൻഡിലെയും ആസാം റൈഫിൾസിലെയും സേവനത്തിന് വിശിഷ്ഠ സേവാ പുരസ്കാരവും നേടിയിട്ടുണ്ട്.
Discussion about this post