ഉന്നത വിദ്യാഭ്യാസ മന്ത്രി കെ ടി ജലീല് ഇടപെട്ടതിനെ തുടര്ന്ന് കോളേജ് മാറ്റം ലഭിച്ച പെണ്കുട്ടി വിവാദങ്ങളെ തുടര്ന്ന് പഠനം അവസാനിപ്പിച്ചു. തിരുവനന്തപുരം നെയ്യാറ്റിന്കര സ്വദേശിയായ വിദ്യാര്ത്ഥിനിക്ക് ആലപ്പുഴ ചേര്ത്തല എന്എസ്എസ് കോളേജില്നിന്ന് തിരുവനന്തപുരം വിമന്സ് കോളേജിലാക്കാണ് മന്ത്രി ഇടപെട്ട് മാറ്റം നല്കിയത്.
അച്ഛന് ഉപേക്ഷിക്കുകയും അമ്മ കാന്സര് ബാധിതയായി മരിക്കുകയും ചെയ്ത ഒന്നാം വര്ഷ വിദ്യാര്ത്ഥിനി പഠന സൗകര്യാര്ഥമാണ് തിരുവനന്തപുരത്തേക്ക് മാറ്റത്തിന് മന്ത്രിയെ സമീപിച്ചത്. മന്ത്രി അപേക്ഷ പരിഗണിക്കുകയും ചെയ്തു. സംഭവം വിവാദമായ പശ്ചാത്തലത്തില് കാര്യങ്ങള് വിശദീകരിച്ച് വിദ്യാര്ത്ഥിനി തന്നെ സോഷ്യല്മീഡിയയില് രംഗത്തെത്തിയിരുന്നു. പഠനം അവസാനിപ്പിക്കുന്നുവെന്ന് കാണിച്ച് വിദ്യാര്ത്ഥിനി നല്കിയ കത്ത് സിന്ഡിക്കേറ്റ് അംഗീകരിച്ചു. ചേര്ത്തലയില്നിന്ന് പഠിക്കാന് സാധിക്കാത്തതിനാലാണ് വിദ്യാര്ത്ഥിനി പഠനം അവസാനിപ്പിക്കുന്നത്
Discussion about this post