യുഎപിഎ ചുമത്തി അറസ്റ്റുചെയ്യപ്പെട്ട സിപിഎം പ്രവർത്തകരായ അലനും താഹയും നഗര മാവോയിസ്റ്റുകളെന്ന് സമ്മതിച്ചതായി പൊലീസ്. ഇവരെ എന്ഐഎ സംഘം ചോദ്യം ചെയ്തു. ഇവര്ക്കൊപ്പമുണ്ടായിരുന്ന മൂന്നാമനെ കുറിച്ചും നിർണായക വിവരങ്ങള് പൊലീസിന് ലഭിച്ചിട്ടുണ്ട്. ഇരുവരുടെയും കസ്റ്റഡി കാലാവധി നാളെ അവസാനിക്കും.
ചോദ്യം ചെയ്യലിനോട് തുടക്കത്തില് നിസഹകരിച്ചെങ്കിലും അലനും താഹയും നിര്ണായക വിവരങ്ങള് കൈമാറിയതായി പൊലീസ് പറയുന്നു. ഡിജിറ്റല് തെളിവുകള് നിരത്തി ചോദ്യംചെയ്യ്തപ്പോഴാണ് ഇരുവരും മാവോയിസ്റ്റു ബന്ധം തുറന്നുസമ്മതിച്ചത്.
ഇവരുടെ പെൻഡ്രൈവിൽ നിന്നും മെമ്മറി കാര്ഡില് നിന്നും മാവോയിസ്റ്റുകള് ഉപയോഗിക്കുന്ന നിർണായക രേഖകള് പൊലീസിന് ലഭിച്ചിട്ടുണ്ട്. എന്ഐഎ സംഘവും കേന്ദ്ര ഇന്റലിജന്സ് വിഭാഗവും ഇരുവരെയും ചോദ്യം ചെയ്തു. തെളിവുകള് പലതും നശിപ്പിക്കപ്പെട്ടുവെന്നും പൊലീസ് പറയുന്നു.
കസ്റ്റഡി നീട്ടി ചോദിക്കേണ്ടതില്ലെന്നാണ് പൊലീസ് തീരുമാനം. ഇവരുടെ ജാമ്യാപേക്ഷയും നാെള ഹൈക്കോടതി പരിഗണിക്കും.
Discussion about this post