മുംബൈ: പൗരത്വ ഭേദഗതി നിയമത്തിനും ദേശീയ പൗരത്വ രജിസ്റ്ററിനുമെതിരെ നടക്കുന്ന പ്രതിഷേധത്തില് മുസ്ലിം സമുദായം ക്രമസമാധാനം പാലിക്കണമെന്ന് മഹാരാഷ്ട്ര മുഖ്യമന്ത്രി ഉദ്ധവ് താക്കറെ. മുസ്ലിം സമുദായ പ്രതിനിധികളുമായി നടത്തിയ വിഡിയോ കോണ്ഫറന്സിലാണ് ഉദ്ധവ് താക്കറെ ഈ അഭ്യര്ഥന നടത്തിയത്.
ജാമിയ മില്ലിയ, അലിഗഢ് സര്വകലാശാലകളില് ഇന്നും പ്രതിഷേധം തുടരുകയാണ്. ഡല്ഹി, ബംഗളൂരു, ചെന്നൈ, ഹൈദരാബാദ് എന്നിവിടങ്ങളിലും മുംബൈയിലെ ആഗസ്റ്റ് ക്രാന്തി മൈതാനത്തും ഇന്ന് പ്രതിഷേധ പരിപാടികള് നടക്കും.
നേരത്തേ പൗരത്വ ഭേദഗതി നിയമം പിന്വലിക്കണമെന്ന് കേന്ദ്രസര്ക്കാറിനോട് ആവശ്യപ്പെടണമെന്ന് അഭ്യര്ഥിച്ച് പ്രതിപക്ഷ സംഘം രാഷ്ട്രപതിയെ കണ്ട് നിവേദനം നല്കിയിരുന്നു.
അതേസമയം, പൗരത്വ ഭേദഗതി നിയമം രാജ്യത്തെ പൗരന്മാരെ ബാധിക്കില്ലെന്ന് വ്യക്തമാക്കി കേന്ദ്ര ആഭ്യന്തര മന്ത്രി അമിത് ഷാ രംഗത്തെത്തി.
Discussion about this post