സം​യു​ക്ത സൈ​നി​ക മേ​ധാ​വിയായുള്ള ബി​പി​ന്‍ റാ​വ​ത്തി​ന്‍റെ നി​യ​മ​നം സൈ​നി​ക സ​ഹ​ക​ര​ണ​ത്തി​നു​ള്ള ഉ​ത്തേ​ജ​നം; അ​ഭി​ന​ന്ദി​ച്ച്‌ അമേരിക്ക

ഡ​ല്‍​ഹി: ഇ​ന്ത്യ​യു​ടെ ആ​ദ്യ​ത്തെ സം​യു​ക്ത സൈ​നി​ക മേ​ധാ​വി ആ​യി തെ​ര​ഞ്ഞെ​​ടു​ക്ക​പ്പെ​ട്ട ജ​ന​റ​ല്‍ ബി​പി​ന്‍ റാ​വ​ത്തി​നെ അ​ഭി​ന​ന്ദി​ച്ച്‌ അമേരിക്ക. അ​മേ​രി​ക്ക-​ഇ​ന്ത്യ സം​യു​ക്ത സൈ​നി​ക അ​ഭ്യാ​സ​ങ്ങ​ളി​ലൂ​ടെ​യും വി​വ​രം പ​ങ്കി​ട​ലു​ക​ളി​ലൂ​ടെ​യും ഇ​രു​രാ​ജ്യ​ങ്ങ​ളും ത​മ്മി​ലു​ള്ള സൈ​നി​ക സ​ഹ​ക​ര​ണ​ത്തി​ന് ഉ​ത്തേ​ജ​നം ന​ല്‍​കാ​ന്‍ റാ​വ​ത്തി​ന്‍റെ സ്ഥാ​ന​ല​ബ്ദി കാ​ര​ണ​മാ​കു​മെ​ന്ന് യു​എ​സ് പ്ര​ത്യാശ പ്ര​ക​ടി​പ്പി​ച്ചു.

ഇ​ന്ത്യ​യി​ലെ അ​മേ​രി​ക്ക​ന്‍ സ്ഥാ​ന​പ​തി​യും ബി​പി​ന്‍ റാ​വ​ത്തി​നെ അ​ഭി​ന​ന്ദി​ച്ചു. ഇ​രു​രാ​ജ്യ​ങ്ങ​ളും ത​മ്മി​ലു​ള്ള പ്ര​തി​രോ​ധ സ​ഹ​ക​ര​ണം ശ​ക്ത​മാ​ക്കാ​ന്‍ ജ​ന​റ​ല്‍ റാ​വ​ത്ത് സ​ഹാ​യി​ക്കു​മെ​ന്ന് പ്ര​തീ​ക്ഷി​ക്കു​ന്ന​താ​യി അ​മേ​രി​ക്ക​ന്‍ സ്ഥാ​ന​പ​തി പ​റ​ഞ്ഞു. ട്വി​റ്റ​റി​ലൂ​ടെ​യാ​യി​രു​ന്നു അ​ദ്ദേ​ഹ​ത്തി​ന്‍റെ പ്ര​തി​ക​ര​ണം. ഇ​രു​രാ​ജ്യ​ങ്ങ​ളും ത​മ്മി​ലു​ള്ള പ്ര​തി​രോ​ധ സ​ഹ​ക​ര​ണം മു​ന്നോ​ട്ട് കൊ​ണ്ടു​പോ​കു​ന്ന​തി​നു​ള്ള ക്രി​യാ​ത്മ​ക​മാ​യ ച​ര്‍​ച്ച​ക​ള്‍​ക്കാ​യി കാ​ത്തി​രി​ക്കു​ന്ന​താ​യും അ​ദ്ദേ​ഹം ട്വീ​റ്റ് ചെ​യ്തു. മാ​ലി​ദ്വീ​പും റാ​വ​ത്തി​നെ അ​ഭി​ന്ദി​ച്ച്‌ രം​ഗ​ത്തു​വ​ന്നി​രു​ന്നു.

ക​ര​സേ​നാ മേ​ധാ​വി സ്ഥാ​ന​ത്തു നി​ന്നു ഇ​ന്നു വി​ര​മി​ക്കാ​നി​രി​ക്കെ​യാ​ണ് ഇ​ന്ന​ലെ റാ​വ​ത്തി​നെ ചീ​ഫ് ഓ​ഫ് ഡി​ഫ​ന്‍​സ് സ്റ്റാ​ഫ് ആ​യി നി​യ​മി​ച്ച​ത്. ഇ​ന്ത്യ​യി​ല്‍ ചീ​ഫ് ഓ​ഫ് ഡി​ഫ​ന്‍​സ് സ്റ്റാ​ഫ് ആ​കു​ന്ന ആ​ദ്യ​ത്തെ സൈ​നി​ക മേ​ധാ​വി​യാ​യ ബി​പി​ന്‍ റാ​വ​ത്ത് ഇ​ന്നു ചു​മ​ത​ല​യേ​ല്‍​ക്കും.

സം​യു​ക്ത സൈ​നി​ക പ​രി​ശീ​ല​നം, ക​ര, വ്യോ​മ, നാ​വി​ക സേ​ന​ക​ള്‍​ക്കു​ള്ള ആ​യു​ധ​ങ്ങ​ള്‍ വാ​ങ്ങു​ന്ന​ത് ഉ​ള്‍​പ്പെ​ടെ​യു​ള്ള കാ​ര്യ​ങ്ങ​ളി​ല്‍ ചീ​ഫ് ഓ​ഫ് ഡി​ഫ​ന്‍​സ് സ്റ്റാ​ഫ് ആ​ണ് തീ​രു​മാ​നം എ​ടു​ക്കു​ന്ന​ത്. ഇ​തു​വ​രെ സം​യു​ക്ത പ്ര​തി​രോ​ധ സ്റ്റാ​ഫ് മേ​ധാ​വി​യാ​യി​രു​ന്നു ഇ​ക്കാ​ര്യ​ത്തി​ല്‍ തീ​രു​മാ​ന​മെ​ടു​ത്തി​രു​ന്ന​ത്.

മൂ​ന്നു സേ​നാ വി​ഭാ​ഗ ങ്ങ​ളു​ടെ​യും സൈ​നി​ക സ്കൂ​ളു​ക​ള്‍ ഉ​ള്‍​പ്പ​ടെ​യു​ള്ള​വ​യു​ടെ​യും ചു​മ​ത​ല​യും ഇ​നി​മു​ത​ല്‍ സി​ഡി​എ​സി​നാ​ണ്. എ​ന്നാ​ല്‍, സി​ഡി​എ​സി​ന് സൈ​നി​ക നീ​ക്ക​ങ്ങ​ള്‍​ക്ക് ഉ ത്ത​ര​വി​ടാ​നോ അ​ത്ത​രം നീ​ക്ക​ങ്ങ​ളു​ടെ ചു​മ​ത​ല​യോ ഉ​ണ്ടാ​കി​ല്ല. സി​ഡി​എ​സ് പ​ദ​വി​യി​ല്‍ നി​ന്നു വി​ര​മി​ച്ചു ക​ഴി​ഞ്ഞാ​ല്‍ പി​ന്നെ മ​റ്റൊ​രു സ​ര്‍​ക്കാ​ര്‍ പ​ദ​വി​ക​ളി​ലും തു​ട​രാ​നും ക​ഴി​യി​ല്ല.

ക​ര, നാ​വി​ക, വ്യോ​മ സേ​നാ മേ​ധാ​വി​ക​ള്‍​ക്കു തു​ല്യ​മാ​യി നാ​ലു സ്റ്റാ​ര്‍ ഉ​ള്ള ജ​ന​റ​ല്‍ പ​ദ​വി​യാ​ണ് ചീ​ഫ് ഓ​ഫ് ഡി​ഫ​ന്‍​സ് സ്റ്റാ​ഫി​ന്‍റേ​ത്. അ​തേ​സ​മ​യം, പ്രോ ​ട്ടോ​ക്കോ​ള്‍ പ്ര​കാ​രം സൈ​നി​ക മേ​ധാ​വി​യേ​ക്കാ​ള്‍ മു​ക​ളി​ലാ​യി​രി​ക്കും സ്ഥാ​നം. സേ​നാ മേ​ധാ​വി​ക​ള്‍​ക്കൊ​പ്പം സ​മ​ന്‍​മാ​രി​ല്‍ മു​ന്പ​ന്‍ എ​ന്ന​താ​യി​രി​ക്കും രീ​തി. സൈ​ന്യ​വു​മാ​യി ബ​ന്ധ​പ്പെ​ട്ട് പ്ര​തി​രോ​ധ​മ​ന്ത്രി​യു​ടെ പ്ര​ധാ​ന ഉ​പ​ദേ​ശ​ക​നാ​യി​രി​ക്കും സി​ഡി​എ​സ്. 62 വ​യ​സോ, പ​ദ​വി​യി​ല്‍ മൂ​ന്നു വ​ര്‍​ഷ​മോ എ​താ​ണ് ആ​ദ്യം പൂ​ര്‍​ത്തി​യാ​കു​ന്ന​ത്, അ​താ​ണു സൈ​നി​ക മേ​ധാ​വി​മാ​രു​ടെ കാ​ലാ​വ​ധി.