ഐ ഐ ടി കാണ്‍പൂരില്‍ ചൊല്ലിയ ഫായിസ് അഹമ്മദ് ഫായിസിന്റെ കവിത ഹിന്ദുവിരുദ്ധമാണെന്ന് പറയുന്നത് പരിഹാസ്യവും മണ്ടത്തരവുമാണെന്ന വാദവുമായി ജാവേദ് അക്തര്‍. ഉര്‍ദു കവിയായ ഫായിസ് അഹമ്മദ് ഫായിസ് എഴുതിയ കവിതയാണ് പൗരത്വ നിയമ ഭേദഗതിയ്‌ക്കെതിരേ നടത്തിയ പ്രക്ഷോഭത്തിനിടയില്‍ ഐ ഐ ടി കാണ്‍പൂരിലെ ചില വിദ്യാര്‍ത്ഥികള്‍ ചൊല്ലിയത്. ഇതേത്തുടര്‍ക്ക് ഈ കവിത ഹിന്ദുക്കളേയും വിഗ്രഹാരാധകരേയും അപമാനിയ്ക്കാന്‍ വേണ്ടി ചൊല്ലിയതാണെന്ന് മറ്റു വിദ്യാര്‍ത്ഥികളും അദ്ധ്യാപകരും ചേര്‍ന്ന് ഐ ഐ ടി ഡയറക്ടര്‍ക്ക് പരാതി നല്‍കുകയായിരുന്നു.
ഈ കവിത പാകിസ്ഥാനിലെ ജനറല്‍ സിയാവുള്‍ ഹഖിനെതിരേ എഴുതിയതാണെന്നാണ് പ്രമുഖ കവിയും ബോളിവുഡ് ഗാനരചയിതാവുമായ ജാവേദ് അക്തര്‍ പറയുന്നത്. ഇതില്‍ യാതൊരു ഹിന്ദുവിരുദ്ധതയുമില്ലെന്നും ബിംബങ്ങള്‍ ഉപയോഗിച്ചിരിയ്ക്കുന്നത് ഹിന്ദുക്കള്‍ക്കെതിരാണെന്ന് തോന്നിയാലും അങ്ങനെയല്ലെന്നുമാണ് ജാവേദ് അക്തറിന്റെ ഭാഷ്യം. മാത്രവുമല്ല ഫായിസ് അഹമ്മദ് ഫായിസ് പുരോഗമന കവിയാണെന്നും കമ്യൂണിസ്റ്റ് കവിയാണെന്നും ഇടത് നിരൂപകനും സാഹിത്യ അക്കാദമി പുരസ്‌കാര ജേതാവുമായ ഗോപീചന്ദ് നരങ്ഗ് പറയുന്നു.
ഐ ഐ ടി കാണ്‍പൂരില്‍ ചൊല്ലിയ കവിതയുടെ വരികളുടെ പരിഭാഷ ചുവടെ ചേര്‍ക്കുന്നു.
‘ക അബയിലെ വിശുദ്ധ ചത്വരം എല്ലാ കപട ദൈവങ്ങളുടേയും വിഗ്രഹങ്ങള്‍ പിഴുതെറിയപ്പെടും. നമ്മള്‍ വേരുകളില്ലാത്തവര്‍ക്കും വേണ്ടാത്തവര്‍ക്കും അധികാരത്തിന്റെ സിംഹാസനങ്ങള്‍ ലഭിക്കും. എല്ലാ കിരീടങ്ങളും ആകാശത്തിലെറിയപ്പെടും. അല്ലാഹുവിന്റെ നാമം മാത്രമാവും ബാക്കിയാവുക. നമ്മള്‍ കണ്ടിരിയ്ക്കും’
എന്നാല്‍ ഈ വരികള്‍ വളരെ പുരോഗമനപരവും അധികാരികള്‍ക്കെതിരേ ഉള്ള വരികളും വിഗ്രഹാരാധകരെ അപമാനിയ്ക്കുന്നതല്ലെന്നുമാണ് ഇടതു നിരൂപകരുടേയും ജാവേദ് അക്തറിനെപ്പോലെയുള്ള കവികളുടേയും നിലപാട്. ജാമിയ മിലിയ സര്‍വകലാശാലയിലും ഐ ഐ ടി കാണ്‍പൂരിലും ഒക്കെ ഈ കവിതകള്‍ ചൊല്ലിയാണ് പൗരത്വനിയമഭേദഗതിയ്‌ക്കെതിരേ പ്രകടനങ്ങള്‍ നടത്തിയത്.
Discussion about this post