പൗരത്വ ഭേദഗതി നിയമത്തിനെതിരെ സുപ്രിം കോടതിയില് ഹര്ജി നല്കിയ പിണറായി സര്ക്കാരിനെ വിമര്ശിച്ച് ബിജെപി സംസ്ഥാന ജനറല് സെക്രട്ടറി കെ സുരേന്ദ്രന്. ജനങ്ങളുടെ പണമെടുത്ത് നിയമപരമായി നിലനില്പില്ലാത്ത ആവശ്യവുമായി സുപ്രീംകോടതിയില് പോകുന്ന പിണറായി വിജയന് വിഡ്ഡികളുടെ സ്വര്ഗ്ഗത്തിലാണ് ജീവിക്കുന്നതെന്ന് സുരേന്ദ്രന് ആരോപിച്ചു.
നിയമസഭാസമ്മേളനത്തിനും ചെലവായി ലക്ഷങ്ങള്. കേരളസര്ക്കാരിന് നിയമത്തിന്റെ ബാലപാഠമറിയുന്ന ഒരു ഉപദേശകന് പോലുമില്ലേ?-എന്നും അദ്ദേഹം ചോദിക്കുന്നു. ഇത്തരം വങ്കത്തരങ്ങള്ക്ക് ജനങ്ങളുടെ പണം ചെലവഴിക്കുന്നതിനുപകരം പാര്ട്ടി ഫണ്ടില്നിന്ന് പണമെടുത്ത് ചെലവഴിക്കുകയാണ് വേണ്ടതെന്നും ഫേസ്ബുക്ക് കുറിപ്പില് സുരേന്ദ്രന് പറഞ്ഞു.
കെ സുരേന്ദ്രന്റെ ഫേസ്ബുക്ക് പോസ്റ്റിന്റെ പൂർണരൂപം:
ജനങ്ങളുടെ പണമെടുത്ത് നിയമപരമായി നിലനില്പില്ലാത്ത ആവശ്യവുമായി സുപ്രീംകോടതിയിൽ പോകുന്ന പിണറായി വിജയൻ വിഡ്ഡികളുടെ സ്വർഗ്ഗത്തിലാണ് ജീവിക്കുന്നത്. പാർലമെന്റ് പാസ്സാക്കിയ നിയമത്തിനെതിരെ നിയമസഭയിൽ പാസ്സാക്കിയ പ്രമേയത്തിന് പോലും ഒരു വിലയുമില്ലെന്ന് അത് പാസ്സാക്കാൻ കൂട്ടുനിന്ന പാർട്ടിയുടെ അധ്യക്ഷൻ തന്നെ തുറന്നു പറഞ്ഞിട്ടുണ്ട്. നിയമസഭാസമ്മേളനത്തിനും ചെലവായി ലക്ഷങ്ങൾ. കേരളസർക്കാരിന് നിയമത്തിന്റെ ബാലപാഠമറിയുന്ന ഒരു ഉപദേശകൻ പോലുമില്ലേ? മുസ്ളീം വോട്ടുബാങ്കിനെ അപ്പാടെ മുന്നണിയിലെത്തിക്കാൻ തെരുവിൽ കാണിക്കുന്ന അഭ്യാസങ്ങളൊന്നും പോരാത്തതുകൊണ്ടാണോ നികുതിപ്പണമെടുത്ത് ദുർവ്യയം ചെയ്യുന്ന ഈ വിലകുറഞ്ഞ നടപടി? ഇത്തരം വങ്കത്തരങ്ങൾക്ക് ജനങ്ങളുടെ പണം ചെലവഴിക്കുന്നതിനുപകരം പാർട്ടി ഫണ്ടിൽനിന്ന് പണമെടുത്ത് ചെലവഴിക്കുകയാണ് വേണ്ടത്.
https://www.facebook.com/KSurendranOfficial/posts/2744688282282457?__xts__%5B0%5D=68.ARBQT8YOSDse6xrkSlZ_ZydtxIIUrN2SGTwsx8dWm2D487VTeMBt0YgjsgLWihjrKG5u9t4rofj6gDfozJck4xV2nQk_E5g7QgRLGkGrltUG6-d8FoHufKS0R0Gx6qVpOjZQ2PBotmJT80loyrnYz1rvl4P0La0cv9PeaV6UnhyWUvo-KtIq3FkZr5CmGjDCckoexbaGtRmw1LFFy7_1W0oGIFLg6pJiRbalnu9j918Ih0iZ-nyF9YUiy9h9kGcMBzo267CrowY9OAIpuQp1RIrUWWeVWOOP3zZ32kZ9D-lC0XwJiP_s03Ri89mw_4tX-CvaU_QLYa5goKYj8KOzew&__tn__=-R
Discussion about this post