ഡല്‍ഹി: കേരളത്തില്‍ രണ്ട് ദേശീയപാതകള്‍ കൂടി അനുവദിക്കുമെന്ന് കേന്ദ്ര ഉപരിതല ഗതാഗത മന്ത്രി നിതിന്‍ ഗഡ്കരി അറിയിച്ചു. കണ്ണൂര്‍ വിമാനത്താവളത്തിലേക്കും വിഴിഞ്ഞം തുറമുഖത്തേക്കുമായിരിക്കും പുതിയ ദേശീയ പാതകള്‍. വിഴിഞ്ഞം തുറമുഖത്തില്‍ നിന്ന് തിരുവനന്തപുരം ബൈപ്പാസിലേക്ക് ആയിരിക്കും പുതിയ പാത. മുഖ്യമന്ത്രി ഉമ്മന്‍ ചാണ്ടിയുമായുള്ള ചര്‍ച്ചയ്ക്ക് ശേഷമാണ് മന്ത്രി ഇക്കാര്യം അറിയിച്ചത്. കേരളം സ്ഥലം ഏറ്റെടുത്തു നല്‍കുന്നതിനനുസരിച്ച് നിര്‍മാണം തുടങ്ങുമെന്നും മന്ത്രി അറിയിച്ചു.
വിഴിഞ്ഞത്തിന് കബോട്ടാഷ് ഇളവും പരിഗണനയില്‍
വിഴിഞ്ഞം തുറമുഖത്തിനുവേണ്ടി കബോട്ടാഷ് നിയമത്തില്‍ ഇളവു നല്‍കുന്നത് ഉടന്‍ പരിഗണിക്കുമെന്നും മന്ത്രി പറഞ്ഞു. ഇക്കാര്യം പ്രധാനമന്ത്രിയുടെ പരിഗണനയിലാണെന്നും അനുകൂല തീരുമാനമുണ്ടാകുമെന്നാണ് കരുതുന്നതെന്നും ഗഡ്കരി പറഞ്ഞു
ദേശീയപാതാ വികസനത്തിന് ചീഫ് സെക്രട്ടറി അധ്യക്ഷനായ അഞ്ചംഗ സമിതിയെ നിയമിക്കാനും ഇന്ന് ചേര്‍ന്ന യോഗം തീരുമാനിച്ചു.
Discussion about this post