ഐക്യരാഷ്ട്ര സഭ തലവൻ അന്റോണിയോ ഗുട്ടെറസ് പാകിസ്ഥാൻ സന്ദർശിക്കും. ഫെബ്രുവരി 16-നാണ് അദ്ദേഹത്തിന്റെ പാക്കിസ്ഥാൻ സന്ദർശനം.നാല് ദിവസം നീളുന്ന സന്ദർശനത്തിനിടെ,ഗുട്ടെറസ്, കർത്താർപൂർ ഗുരുദ്വാരയും സന്ദർശിച്ചേക്കുമെന്ന് അടുത്ത വൃത്തങ്ങൾ വ്യക്തമാക്കുന്നു. സിഖ് മത സ്ഥാപകനായ ഗുരുനാനാക്ക്, തന്റെ ജീവിതത്തിലെ അവസാന 18 വർഷങ്ങൾ കർത്താർപുർ ഗുരുദ്വാരയിലാണ് ചെലവഴിച്ചത്. ലോകത്തിലെ ഏറ്റവും വലിയ ഗുരുദ്വാരയും ഇതാണ്.
ഫെബ്രുവരി 17ന് നടക്കുന്ന പാക്കിസ്ഥാൻ സർക്കാരും ഐക്യരാഷ്ട്രസഭയുടെ അഭയാർത്ഥികൾക്കു വേണ്ടി പ്രവർത്തിക്കുന്ന യു.എൻ.എച്ച്.സി.ആറും ചേർന്നൊരുക്കുന്ന അന്താരാഷ്ട്ര സമ്മേളനത്തിൽ പങ്കെടുക്കാനാണ് ഗുട്ടറസ് പാകിസ്ഥാനിൽ എത്തുന്നത്.
