ചെന്നൈ: ചെന്നൈ വിമാനത്താവളത്തില് ഓസ്ട്രേലിയയിലേക്ക് കയറ്റി അയക്കാന് ശ്രമിച്ച രണ്ടരകോടി രൂപയുടെ ലഹരിമരുന്നുകള് പിടികൂടി. മിഠായിയുടെയും സാരിയുടെയും ലേബല് ഒട്ടിച്ച് പാര്സലായി കടത്താനായിരുന്നു ശ്രമം. നിരോധിത ഉല്പ്പന്നങ്ങളായ കറുപ്പും സ്യൂടോ ഫെഡ്രൈനുമാണ് കണ്ടെത്തിയത്.
രഹസ്യവിവരത്തിന്റെ അടിസ്ഥാനത്തില് വിമാനത്താവളത്തിലെ കാര്ഗോ ഓഫീസുകളില് നടത്തിയ പരിശോധനയിലാണ് കോടികള് വിലമതിക്കുന്ന ലഹരിവസ്തുക്കള് പിടികൂടിയത്.
മിഠായിയുടെ ലേബല് ഒട്ടിച്ച പാക്കറ്റുകളിലായാണ് കറുപ്പ് സൂക്ഷിച്ചിരുന്നത്. 24 കവറുകളിലായി കണ്ടെത്തിയത് 11.68 കിലോ കറുപ്പ് ആണ്. മറ്റൊരു കാര്ഗോ ഓഫീസില് നടത്തിയ പരിശോധനയിലാണ് സ്യൂടോഫെഡ്രൈന് എന്ന ലഹരിമരുന്ന് കണ്ടെത്തിയത്.
Discussion about this post