ഡൽഹി: കൊവിഡ് രോഗ വ്യാപനം തടയാൻ കർശനമായ നിയന്ത്രണങ്ങളും നിരീക്ഷണങ്ങളും തുടർന്ന് രാജ്യം. ഇതുവരെ 724 പേര്‍ക്ക് രോഗം സ്ഥിരീകരിച്ചതായി കേന്ദ്ര ആരോഗ്യ മന്ത്രാലയം അറിയിച്ചു. ഇന്നലെ 88 പേർക്ക് രോഗം സ്ഥിരീകരിച്ചിരുന്നു. മരണ സംഖ്യ 17 ആയി. മഹാരാഷ്ട്രയിൽ 5 പേർക്കും രാജസ്ഥാനിൽ 2 പേർക്കും ഇന്ന് കൊവിഡ് ബാധ സ്ഥിരീകരിച്ചു.
Total number of #Coronavirus positive cases in the country rises to 724 (including 66 cured/discharged persons and 17 deaths): Ministry of Health and Family Welfare pic.twitter.com/MHlRtSp7oG
— ANI (@ANI) March 27, 2020
അതേസമയം ഇന്ത്യയിൽ ഇതേ വരെ കൊറോണയുടെ സാമൂഹിക വ്യാപനം ഉണ്ടായിട്ടില്ലെന്ന് കേന്ദ്ര ആരോഗ്യ മന്ത്രാലയം വ്യക്തമാക്കി. രാജ്യത്ത് സമൂഹ വ്യാപനം തടയുന്നതിനായി കനത്ത ജാഗ്രത തുടരുകയാണ്. കൊവിഡ് 19ന്റെ പശ്ചാത്തലത്തിൽ റിസര്‍വ്വ് ബാങ്ക് റിപ്പോ, റിവേഴ്സ് റിപ്പോ നിരക്കുകൾ കുറച്ചിട്ടുണ്ട്. റിപ്പോ നിരക്ക് 0.75 ശതമാനവും റിവേഴ്സ് റിപ്പോ നിരക്ക് 0.90 ശതമാനവുമാണ് കുറച്ചത്. ഇതോടെ ഭവനവായ്പ പലിശ നിരക്കുകൾ കുറയും. അടിയന്തര സാഹചര്യം നേരിടുന്നതനായി കേന്ദ്രസർക്കാർ ഇന്നലെ സാമ്പത്തിക പാക്കേജ് പ്രഖ്യാപിച്ചിരുന്നു.
