മുംബൈയിലെ ഡോംബിവിലി കോളനിയിൽ, ക്വാറന്റൈൻ നിർദേശിക്കപ്പെട്ടയാൾ വിലക്കു ലംഘിച്ച് വിവാഹചടങ്ങിൽ പങ്കെടുത്തു. ബുധനാഴ്ച നടന്ന പരിശോധനയിൽ ഇയാൾക്ക് കോവിഡ്-19 സ്ഥിരീകരിച്ചു. തുർക്കിയിൽ നിന്നും മടങ്ങിയെത്തിയ 23 വയസുകാരനായ ഇയാൾക്ക് സംസ്ഥാന സർക്കാർ ക്വാറന്റൈൻ വിശ്രമം നിർദ്ദേശിച്ചിരുന്നു. ഇത് പാലിക്കാതെയാണ് ഇയാൾ കറങ്ങി നടന്നത്.
മാർച്ച് 16-17 തീയതികളിൽ ഇയാൾ ബന്ധത്തിൽ തന്നെയുള്ളൊരു വിവാഹത്തിൽ പങ്കെടുത്തിരുന്നു.ഏതാണ്ട് ആയിരം പേരോളം പേർ ഈ ചടങ്ങിൽ സംബന്ധിച്ചുവെന്നാണ് റിപ്പോർട്ട്. ഒരുപാട് കുട്ടികൾക്ക് ഇയാൾ മിഠായികൾ വിതരണം ചെയ്തിരുന്നു.സംഭവത്തെ തുടർന്ന് കോളനിവാസികൾ ആകെ പരിഭ്രാന്തരായിരിക്കുകയാണ്.കസ്തൂർബാ ആശുപത്രിയിൽ നടന്ന പരിശോധനയിലാണ് ഇയാൾക്ക് കോവിഡ്-19 സ്ഥിരീകരിച്ചത്.
Discussion about this post