ഡൽഹി: കൊവിഡ് പ്രതിരോധ പ്രവർത്തനങ്ങൾക്കായി പ്രധാനമന്ത്രിയുടെ ദുരിതാശ്വാസ നിധിയിലേക്ക് 100 കോടി രൂപ സംഭാവന നൽകുമെന്ന് അദാനി ഗ്രൂപ്പ്. അദാനി ഗ്രൂപ്പ് ചെയർമാൻ ഗൗതം അദാനിയാണ് ഇക്കാര്യം വ്യക്തമാക്കിയത്.
ധനസഹായത്തിന് പുറമെ ഈ പരീക്ഷണ ഘട്ടത്തിൽ സർക്കാരിനെയും സഹപൗരന്മാരെയും സഹായിക്കുന്നതിനായി കൂടുതൽ സംഭാവനകൾ ചെയ്യാൻ സന്നദ്ധമാണെന്നും ഗൗതം അദാനി അറിയിച്ചു.
രാജ്യം നേരിടുന്ന പ്രതിസന്ധി തരണം ചെയ്യാനായി നിരവധി വ്യവസായ പ്രമുഖർ നേരത്തെ പ്രധാനമന്ത്രിയുടെ ദുരിതാശ്വാസ നിധിയിലേക്ക് സംഭാവന പ്രഖ്യാപിച്ചിരുന്നു. രത്തൻ ടാറ്റ കഴിഞ്ഞ ദിവസം 1500 കോടി രൂപ പ്രധാനമന്ത്രിയുടെ ദുരിതാശ്വാസ നിധിയിലേക്ക് പ്രഖ്യാപിച്ചിരുന്നു. ഇന്ത്യയിലെ ആദ്യത്തെ കൊവിഡ് 19 ആശുപത്രി മുംബൈയിൽ തുറന്നു കൊടുത്തതിന് പുറമെ 5 കോടി രൂപയുടെ പ്രാഥമിക സഹായവും റിലയൻസ് ഇൻഡസ്ട്രീസ് പ്രഖ്യാപിച്ചിരുന്നു.
Discussion about this post