ഇന്ത്യയിൽ പടർന്നുപിടിക്കുന്ന കോവിഡ്-19 മഹാമാരിയുമായി ബന്ധപ്പെട്ട വിവരങ്ങൾ അറിയാൻ ഫാക്ട് ചെക് പോർട്ടൽ ആരംഭിച്ച് കേന്ദ്രസർക്കാർ.കോവിഡ് രോഗത്തെ സംബന്ധിച്ച നിരവധി കുപ്രചരണങ്ങൾ സാമൂഹിക മാധ്യമങ്ങളിൽ പരക്കുന്നതിനാലാണ് കേന്ദ്ര സർക്കാരിന്റെ ഈ നടപടി.പ്രസ്സ് ഇൻഫർമേഷൻ ബ്യൂറോ ഡയറക്ടർ ജനറലായ നിധിൻ വങ്കക്കർ ആണ് ഫാക്ട് ചെക്ക് യൂണിറ്റിന്റെ അധികാരി. കേന്ദ്ര വാർത്താവിതരണ പ്രക്ഷേപണ മന്ത്രാലയത്തിന് കീഴിലുള്ള പ്രസ് ഇൻഫർമേഷൻ ബ്യൂറോയാണ് ഇതിനു വേണ്ടി ഒരു പ്രത്യേക പോർട്ടൽ ആരംഭിച്ചത്.
ഉറപ്പുവരുത്തേണ്ട വാർത്തകൾ ഈ പോർട്ടലിലേക്ക് ഈ മെയിൽ അയച്ചാൽ പെട്ടെന്നു തന്നെ സത്യാവസ്ഥ മനസ്സിലാക്കാൻ സാധിക്കും.കോവിഡ്-19 സംബന്ധിച്ച ഏതൊരു വാർത്തയുടെയും നിജസ്ഥിതി, പോർട്ടലിൽ നിന്ന് ലഭിക്കും. ഗോവിന്ദ രോഗവുമായി ബന്ധപ്പെട്ട് കേന്ദ്ര സർക്കാർ എടുക്കുന്ന എല്ലാ തീരുമാനങ്ങളും രാത്രി 8 മണിക്ക് പോർട്ടലിൽ അപ്ഡേറ്റ് ആകും.
Discussion about this post