ലോക്ഡൗൺ ലംഘിച്ച് രാത്രി പുറത്ത് വിട്ടില്ലെങ്കിൽ ചുമച്ചും തുപ്പിയും കോവിഡ് പരത്തുമെന്ന് ഭീഷണിപ്പെടുത്തിയ ജെ.എൻ.യു വിദ്യാർഥിയ്ക്കെതിരേ ഡൽഹി പൊലീസ് കേസെടുത്തു. ജെ.എൻ.യുവിൽ എം.ഫിൽ വിദ്യാർഥിയായ പ്രണവ് മേനോനെയാണ് ഡൽഹി പോലീസ് കസ്റ്റഡിയിലെടുത്തത്.
ശനിയാഴ്ച പുറത്തിറങ്ങാൻ വേണ്ടി ഗേറ്റിനെ സമീപിച്ച പ്രണവിനെ സെക്യൂരിറ്റി ഉദ്യോഗസ്ഥർ തടയുകയായിരുന്നു. എന്നാൽ, തന്നെ പുറത്തു വിട്ടില്ലെങ്കിൽ താൻ ചുമച്ചും തുപ്പിയും കോവിഡ് പരത്തുമെന്ന് ഭീഷണിപ്പെടുത്തിയ പ്രണവ്, ബഹളം വച്ച് ഉദ്യോഗസ്ഥരുമായി വഴക്കുണ്ടാക്കി. സെക്യൂരിറ്റിക്കാരുടെ മുഖത്തെ മാസ്കുകൾ വലിച്ചു പറിക്കുകയും അവരെ കയ്യേറ്റം ചെയ്യുകയും ചെയ്തുവെന്നും ഇയാൾക്കെതിരെ പരാതിയുണ്ട്. ഇതേതുടർന്ന്, ബന്ധപ്പെട്ട വകുപ്പുകൾ ചുമത്തി ഡൽഹി പോലീസ് ഇയാൾക്കെതിരെ കേസെടുക്കുകയായിരുന്നു.
